Samfélagsmiðlar

Ferðamálaráðherra hefur kynnt hugmyndir um að innheimt verði gjald af skemmtiferðaskipum

Meðal þess sem fólk í ferðaþjónustu telur að ógnað geti greininni á komandi árum er troðningstúrismi. Fjölgun skemmtiferðaskipa veldur sérstökum áhyggjum. Ferðamálaráðherra hefur kynnt fjármálaráðherra hugmyndir um gjaldtöku.

Skemmtiferðaskip á Ísafirði

Skemmtiferðaskip á Ísafirði

„Það er gríðarlegur fjöldi skemmtiferðaskipa að koma en engin sérstök stýring er á því hversu mörg þau eru. Ég og umhverfisráðherra erum að stilla saman okkar strengi, bæði hvað varðar stýringu inn á ferðamannastaði og líka gjaldtöku. Ég hef kynnt gjaldtöku fyrir efnahags- og fjármálaráðherra – möguleikana þar. Það er ekki búið að ákveða neitt en mér finnst þetta skipta máli,“ sagði Lilja Dögg Alfreðsdóttir, ferðamálaráðherra, þegar hún ávarpaði Nýársmálstofu ferðaþjónustunnar.

Lilja D Alfreðsdóttir, ferðamálaráðherra, á Nýársmálstofu ferðaþjónustunnar 2023

Ferðamálaráðherra ræddi á Nýársmálstofunni í Húsi atvinnulífsins þá vinnu sem er í gangi við að uppfæra ferðamálastefnuna til ársins 2030, sagði að hafin væri vinna við að undirbúa smíði aðgerðaáætlunar til að fylgja stefnunni eftir. Starfshópar myndu hafa mikið og gott samráð við ferðaþjónustufólk. Ráðherra telur líklegast að stefna og aðgerðaáætlun verði lögð fyrir Alþingi í formi þingsályktunar í byrjun haustþings 2023.

Vaxandi þungi hefur verið í umræðum innan ferðaþjónustunnar um komur skemmtiferðaskipa og hefur áhyggjum verið lýst af afleiðingum mikillar fjölgunar sem hefur orðið og er fyrirsjáanleg. Ferðamálastofa hefur áætlað samkvæmt bókunum fyrir árið 2023 að gera megi ráð fyrir helmingi fleiri skemmtiferðaskipum á þessu ári en í fyrra og farþegum fjölgi um 80 prósent.

Skemmtiferðaskip á Akureyri síðasta sumar – MYND. ÓJ

Á Nýársmálstofu ferðaþjónustunnar var umræðan um sjálfbærni í öndvegi en Íslenski ferðaklasinn hefur sett þau mál á oddinn. Gríðarleg fjölgun skemmtiferðaskipa og meðfylgjandi mengun er því eðlilega eitt helsta áhyggjuefni margra í greininni, eins og fram kemur í viðhorfskönnun sem KPMG gerði meðal fólks í ferðaþjónustu. Þegar spurt var um helstu ógnanir í ferðaþjónustu til 2026-2028 er fyrst nefndur troðningstúrismi, eða „massatúrismi“: Að Ísland verði ofsetið ferðamönnum. Vöxtur umfram getu og innviði muni hafa neikvæð áhrif á upplifun ferðamanna. Fjölgun í komum skemmtiferðaskipa sé sérstakt áhyggjuefni.

Nýtt efni

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …

Clive Stacey hefur skipulagt ferðir fyrir Breta til Íslands í áratugi en ferðaskrifstofa hans, Discover the World, hefur fleiri áfangastaði á boðstólum. Og kannski sem betur fer, því nú hefur eftirspurn eftir Íslandsreisum dregist saman. „Í fyrsta sinn í 40 ára sögu fyrirtækisins höfum við selt fleiri ferðir til Noregs en til Íslands. Fyrirspurnum um …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Við þessa breytingu lagðist tímabundið niður sala á gjaldeyri á Keflavíkurflugvelli þar sem Change Group hafði ekki fengið tilskilin leyfi til að sinna gjaldeyrisviðskiptum hér …

„Við erum hörkuánægð með þessa leið," segir Tómas Ingason, framkvæmdastjóri tekju-, þjónustu- og markaðssviðs Icelandair, aðspurður áhugaverðar farþegatölur frá í Raleigh-Durham í Norður-Karólínu. Þær sýna að 5.443 farþegar nýttu sér ferðir Icelandair til og frá flugvellinum í mars sl. sem þýðir þoturnar hafi verið þéttsetnar í nánast hverri ferð enda var sætanýtingin 94 prósent að …

Árið 1990 voru 60 prósent allra viðskipta í smásöluverslunum í Danmörku lokið með greiðslu peningaseðla. Búðirnar tóku á þessum árum fúslega við krumpuðum peningaseðlum og gáfu til baka annað hvort með öðrum jafn sjúskuðum peningaseðlum eða nýstraujuðum seðlum beint úr hirslum Seðlabankans.  Í dag, rúmum þrjátíu árum síðar, enda einungis 9 prósent innkaupa með greiðslu peningaseðla. …