Samfélagsmiðlar

Finnair búið að stinga Icelandair af

Hlutabréfin í Finnair hafa hækkað hratt að undanförnu en það sama verður ekki sagt um bréfin í Icelandair. Málið horfir öðruvísi við þegar horft er til markaðsvirðisins fyrir Covid-19.

Farþegi í hinu nýja Economy Premium farrými Finnair.

Í íslenskum krónum talið var markaðsvirði Icelandair hærra en finnska flugfélagsins Finnair allt frá lokum síðasta sumars og þangað til Icelandair birti uppgjör sitt fyrir þriðja ársfjórðung undir lok októbermánaðar. Þá lækkaði virði Icelandair og fór niður í 76 milljarða króna en hlutabréfin í Finnair voru á sama tíma einum milljarði verðmætari.

Nú þremur mánuðum síðar er Icelandair næstum á sama stað því gengi hlutabréfanna hefur aðeins hækkað um tvo af hundraði. Bréfin í finnska flugfélaginu hafa aftur á móti farið upp um 36 prósent.

Í krónum talið er markaðsvirði Finnair 111 milljarða króna í dag og þar með er félagið það verðmætasta af þeim sjö norrænu flugfélögum sem skráð eru á hlutabréfamarkað. Norwegian hefur verið í efsta sæti á þeim lista síðustu misseri en hafa ber í huga að hér stuðst við íslenskar krónur og hún hefur dalað verulega að undanförnu,.

Icelandair nærri tvöfalt meira virði en fyrir Covid

Ef við berum saman markaðsvirði Icelandair og Finnair í dag við stöðuna árslok 2019, áður en Covid-19 setti allt á hliðina, þá var virði finnska félagsins á þeim tíma 101 milljarður króna. Bréfin í Icelandair voru hins vegar metin á 41 milljarð króna í árslok 2019.

Í dag er virði Finnair því rétt undir því sem það var fyrir heimsfaraldur á meðan fjárfestar telja Icelandair nærri tvöfalt verðmætara. Það má þó hafa í huga að markaðsvirði Icelandair lækkaði hratt árin á undan því það stóð í 192 milljörðum vorið 2016.

Og í vikunni sem nú er senn á enda þá hækkaði gengi Finnair og Icelandair töluvert eins og sjá má hér fyrir neðan.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …