Samfélagsmiðlar

Láta duga að fljúga til Íslands frá Chicago í sumar

O´Hare flugvöllurinn í Chicago en þaðan munu þotur United fljúga til Íslands í sumar og þá í samkeppni við Icelandair.

Það var í lok maí árið 2018 sem bandaríska flugfélagið United Airlines hóf að fljúga til Íslands og þá frá Newark flugvelli við New York. Þremur árum síðar bættust við áætlunarferðir frá Chicago.

Síðustu tvö sumur hafa því á degi hverjum tvær þotur á vegum United flogið til Keflavíkurflugvallar og í þeim sæti fyrir samtals um 340 farþega. Nú fækkar sætunum um helming því United hefur tekið úr sölu Íslandsflugið frá New York líkt og Túristi greindi frá í morgun.

Um er að ræða hátt í 30 þúsund sæti.

Talsmaður United staðfestir þennan mikla niðurskurð í svari til Túrista og segir að United geri reglulega breytingar á áætlun sinni og horfi þá til þátta eins og eftirspurnar, kostnaðar og afkastagetu.

Ekki fást skýrari svör um ástæður breytinganna en líkt og fram kom í viðtali Túrista sl. vor, við einn af stjórnendum United, þá hefur eftirspurn eftir ferðum félagsins til Íslands hefur verið mikil. Sérstaklega eftir dýrustu sætunum fremst í þotunum en þjónustan sem þar er í boði er mun meiri en til að mynda á Saga farrými Icelandair.

Engar breytingar verða á ferðum United til Íslands frá Chicago í sumar að sögn talsmanns flugfélagsins, fyrsta brottför sumarsins er á dagskrá þann 13. maí og sú síðasta 28. september.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …