Samfélagsmiðlar

Nýi keppinauturinn eykur umsvifin

Farþegar á leið í flug með Norse frá Berlín.

Í ársbyrjun 2018 gerðu stjórnendur Icelandair ráð fyrir að framundan væri áttunda árið í röð sem flugfélagið væri réttum megin við núllið. Afkomuspáin byggði á sannfæringu stjórnenda um að meðalfargjöldin væru á uppleið og það myndi vega upp á móti hærri rekstrarkostnaði.

Þetta gekk hins vegar ekki eftir. Í lok sumarvertíðar sagði forstjóri Icelandair starfi sínu lausu og vísaði þá til þess að tekjuspáin hefði ekki gengið eftir.

Skýringin á þessari óhagstæðu verðþróun skrifaðist að hluta til á samkeppnina við Wow Air en ekki síður Norwegian. Því þegar þarna var komið sögu hafði norska flugfélagið stækkað mjög hratt og var það orðið umsvifamesta evrópska flugfélagið á JFK flugvelli í New York.

Ameríkuflug Norwegian takmarkaðist nefnilega ekki við brottfarir frá Noregi því félagið var líka stórtækt í höfuðborgum fjölda Evrópuríkja.

Sífellt fleiri farþegar, í leit að ódýrari farmiðum, áttu nú kost á því að komast beint yfir Atlantshafið, með hinu norska lágfargjaldafélagi, í stað þess að millilenda á Keflavíkurflugvelli. En eins og gefur að skilja er millilending sjaldnast fyrsti kostur ef hægt er að fljúga beint milli áfangastaða og hvað þá fyrir sambærilegt gjald.

Útgerð Norwegian gekk hins vegar ekki upp en það skrifast ekki bara á lágu fargjöldin heldur líka óheppni með flugflotann. Endalausar bilanir í Boeing Dreamliner þotunum gerðu félaginu erfitt fyrir og ekki batnaði staðan þegar Boeing Max þoturnar voru kyrrsettar í ársbyrjun 2019.

Svo kom Covid-19 til sögunnar og Norwegian losaði sig við Dreamliner-þoturnar og hætti flugi til Bandaríkjanna.

Við stórum hluta flugflotans tók hið nýstofnaða Norse Atlantic en meðal helstu hluthafa þess félags eru þeir Bjørn Kjos og Bjørn Kiise sem stýrðu Norwegian um langt árabil.

Flugrekstur Norse byrjaði ekki vel því tómu sætin voru alltof mörg í fyrra. Engu að síður er hugur í hluthöfum félagsins því þátttaka í hlutafjárútboði nú í vetur var góð en þar voru kynnt áform um að sækja hratt fram í Ameríkuflugi frá fjölda evrópskra stórborga á þessu ári.

Síðustu vikur hafa stjórnendur Norse Atlantic hrundið planinu í framkvæmd og í vikunni var tilkynnt um opnun starfsstöðvar í Róm. Frá og með komandi sumri er því gert ráð fyrir daglegum ferðum milli New York og höfuðborgar Ítalíu. Til viðbótar við þetta heldur norska félagið einnig úti flugi vestur um haf frá Ósló, London, París og Berlín.

Í öllum þessum fimm borgum verður Icelandair að fá um borð í þotur sínar fjölda farþega sem er á leið yfir Atlantshafið og Play gerir út á sama hóp í Berlín, París og London.

Eins og staðan er núna stefnir hins vegar í að Norse veiti íslensku flugfélögunum töluvert meiri samkeppni í ár en raunin varð í fyrra. Hvort Norðmennirnir nái að draga farmiðaverðið á markaðnum niður, líkt og Norwegian tókst, kemur svo í ljós á uppgjörsfundum Icelandair og Play þegar líður á árið.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …