Samfélagsmiðlar

Segir tiltrúna á viðskiptalíkan Play hafa aukist

Fjórir sjóðir á vegum Íslandssjóða eru á lista yfir tuttugu stærstu hluthafa Play. Sameiginlegur hlutur sjóðanna stækkaði eftir nýlega hlutafjáraukningu flugfélagsins.

Kjartan Smári Höskuldsson er framkvæmdastjóri Íslandssjóða en sjóðastýringafyrirtækið, sem eru í eigu Íslandsbanka ,er orðið þriðji stærsti hluthafinn í Play.

Tuttugu stærstu hluthafar Play samþykktu að kaupa nýtt hlutafé í félaginu fyrir 2,3 milljarða króna fyrir tveimur mánuðum síðan. Ekkert varð hins vegar af útboði fyrir minni hluthafa vegna lítillar þátttöku. Fyrir nýju bréfin greiddu stærstu hluthafarnir 14,6 krónur á hvern hlut sem jafngilti 4 prósent afslætti miðað við markaðsgengi Play daginn sem tilkynnt var um hlutafjáraukninguna.

Gengi bréfanna hefur aftur á móti lækkað jafnt og þétt síðan þá og er í dag 13,55 kr. á hlut. Lækkunin nemur 11 prósentum.

Markaðsvirði Play jókst hins vegar umtalsvert með hlutafjáraukningunni því útgefnum hlutum fjölgaði um 22 prósent og þar með er virði hlutabréfa Play samtals 11,7 milljarðar kr. í dag. Það er ríflega einum milljarði meira en daginn áður en tilkynnt var um fyrrnefnda 2,3 milljarða kr. innspýtinguna þann 4. nóvember í fyrra.

Þátttaka meðal stærstu hluthafanna var ólík. Sumir keyptu hlutfallslega meira en aðrir og stækkuðu þar með hlutdeild sína í Play. Þeirra á meðal voru fjórir sjóðir á vegum Íslandssjóða sem juku hlut sinn meira en sem nemur 22 af hundraði.

Sameiginleg hlutdeild Íslandssjóða hækkaði því upp í 9,06 prósent og þar með var sjóðastýringafyrirtækið, sem eru í eigu Íslandsbanka, þriðji stærsti hluthafinn í Play um áramótin en var áður sá fjórði stærsti.

Spurður um trúna á Play sem fjárfestingakost þá bendir Kjartan Smári Höskuldsson, framkvæmdastjóri Íslandssjóða, á að sjóðastýringafyrirtækið hafi fylgt flugfélaginu alveg frá skráningu þess á hlutabréfamarkað í sumarbyrjun 2021.

„Að koma flugfélagi á laggirnar er kostnaðarsamt verkefni og mikil áskorun að skila góðri afkomu í upphafi rekstrar. Á sama tíma hefur félagið lent í erfiðum ytri aðstæðum og hefur einungis nýverið náð þeim skala sem þarf til að geta skilað góðri rekstrarniðurstöðu. Fjárfesting okkar í Play er hugsuð til lengri tíma. Trú okkar á viðskiptalíkani félagsins hefur vaxið frekar en hitt og horfum við mjög björtum augum til framtíðar Play. Af þeim sökum tókum við þátt umfram okkar eignaraðild í nýlegu hlutafjárútboði félagsins. Þá var ánægjulegt að sjá að allir 20 stærstu hluthafar félagsins virðast deila þessari trú með okkur,“ segir Kjartan Smári, framkvæmdastjóri Íslandssjóða, í svari við fyrirspurn Túrista.

Breytingar hjá stærsta hluthafanum

Eins og sjá má hér fyrir neðan þá jókst hlutur sjóða, á vegum Íslandssjóða, um 29 til 36 prósent í hlutafjárútboðinu í nóvember samkvæmt útreikningum Túrista en þeir byggja á opinberum listum yfir 20 stærstu hluthafa Play nú um áramót og hins vegar í lok október sl.

Hlutfallslega bætti lífeyrissjóðurinn Festi hins vegar mestu við eða um sextíu prósentum eins og sjá má hér fyrir neðan.

Líkt og Túristi hefur áður fjallað um þá urðu breytingar nýverið á fyrirkomulaginu hjá Fiskisundi sem verið hefur stærsti hluthafinn í Play. Eignarhlutur Fiskisunds heyrir nú undir Leika fjárfestingar en að því félagi standa þau Kári Þór Guðjónsson, Halla Sigrún Hjartardóttir, Guðmundur Þórðarson og Einar Örn Ólafsson sem jafnframt er stjórnarformaður flugfélagsins.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …