Samfélagsmiðlar

Air France-KLM í meðvindi

Það blæs byrlega hjá Air France-KLM um þessar mundir eftir mikla erfiðleika framan af síðasta ári. Tilkynnt var fyrir helgi að bókanastaðan væri orðin næstum jafn góð og fyrir heimsfaraldur og að hagnaður af rekstrinum á síðasta fjórðungi ársins 2022 hefði farið fram úr væntingum.

Unsplash

Frá Schiphol-flugvelli

Þessi tíðindi urðu til þess að verð á hlutabréfum í Air France – KLM hækkaði um sex prósent í fyrstu viðskiptum föstudagsins. Verðið á bréfum í samstæðunni hefur ekki verið hærra frá miðju ári en almennt hefur þróun á hlutabréfamarkaði stefnt í hina áttina.

Markaðurinn hefur trú á að spurn eftir flugferðum fari vaxandi á ný eftir heldur dapra tíð á meðan ferðahindranir giltu vegna Covid-19 og verð á olíu hækkaði vegna innrásarstríðs Rússa í Úkraínu. Þá fékk Air France-KLM mikinn skell vegna truflana sem urðu á umferð um Schiphol-flugvöll á síðasta ári sökum skorts á starfsfólki. 

Það er óvíst að endurheimtin á Schiphol-flugvelli á þessu ári nái að jafna stöðuna eins og hún var fyrir faraldurinn. Áfram má búast við einhverjum vamdræðum vegna skorts á starfsfólki. Þá hefur hollenska ríkisstjórnin takmarkað fjölda flugferða um völlinn við 440 þúsund á ári. 

Áætlað er að Air France-KLM hafi tapað 170 milljónum evra vegna vandræðanna á flugvellinum. Góð rekstrarafkoma að undanförnu gerir félaginu kleift að greiða til baka þann ríkisstuðning frá Frakklandi og Hollandi sem félagið fékk í heimsfaraldrinum og grynnka verulega á skuldum. 

Evrópsku flugfélaganna eins og Air France-KLM bíður hörð samkeppni við kínversku flugfélögin sem enn er heimilt að fljúga um rússneska lofthelgi. Sem dæmi má nefna að fyrir evrópsku félögin er flugið milli Parísar og Seúl í Suður-Kóreu þremur klukkustundum lengra en ella vegna flugbannsins yfir Rússland. 

airfrance flugmenn
Flugmenn Air France

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …