Samfélagsmiðlar

Aukið framboð á beinu millilandaflugi frá Akureyri

Hægt verður að fljúga til sex áfangastaða erlendis frá Akureyri næsta sumar. Framkvæmdastjóri Markaðsstofu Norðurlands hvetur heimafólk til að nýta sér þessa ferðamöguleika. Mikið er í húfi fyrir norðlenska ferðaþjónustu að það takist að festa alþjóðlegar flugtengingar í sessi.

Akureyri og Pollurinn

Akureyri

Það hefur lengi verið draumur Norðlendinga að geta flogið beint frá Akureyri í áætlunarflugi út í heim. Fyrir ári hóf Niceair göngu sína og hafa heimamenn tekið vel við sér og nýtt þá takmörkuðu möguleika sem hafa verið í boði. Sumaráætlun Niceair gerir ráð fyrir flugi til Kaupmannahafnar, Tenerife, Alicante og Düsseldorf. Talsmenn ferðaþjónustunnar á Norðurlandi hafa gert sér vonir um að fleiri fylgdu í kjölfarið og að með reglubundnu millilandaflugi myndi ferðaþjónusta festa sig þar betur í sessi árið um kring. Mikið er í húfi. Nýlega var haft eftir talskonu þýska flugfélagsins Condor í Túrista að áhuginn á Íslandsfluginu til Akureyrar og Egilsstaða næsta sumar væri að aukast en hún viðurkenndi að herða þyrfti kynningu á þessum ferðamöguleikum.

Vél Niceai í aðflugi til Akureyrar
Vél Niceair í aðflugi til Akureyrar – MYND: Þorvaldur Lúðvík Sigurjónsson/Niceair

Markaðsstofa Norðurlands sendi í morgun fréttatilkynningu og vekur athygli á að úrval áfangastaða sem hægt er að heimsækja með beinu flugi frá Akureyri hafi aldrei verið meira. Í sumar megi komast til Düsseldorf, Tenerife, Alicante, Kaupmannahafnar, Frankfurt og Zürich með flugfélögunum Niceair, Condor og Edelweiss. Til viðbótar bjóði svo ferðaskrifstofur pakkaferðir til fleiri áfangastaða. Markaðsstofan vekur athygli á því að hægt sé bóka í gegnum ýmsar vefsíður og auðvitað ferðaskrifstofur.

Arnheiður Jóhannsdóttir
Arnheiður Jóhannsdóttir, framkvæmdastjóri Markaðsstofu Norðurlands – MYND: ÓJ

„Heimafólk ætti hiklaust að nýta sér þá möguleika sem þessi millilandaflug skapa. Markmið okkar hjá Markaðsstofu Norðurlands er að hvetja erlend flugfélög til að koma hingað með ferðamenn og hin hliðin á þeim pening er það úrval sem býðst af beinu millilandaflugi frá Akureyri. Flugvellir eins og í Kaupmannahöfn, Düsseldorf, Frankfurt og Zürich bjóða nánast endalausa möguleika á tengiflugi, þaðan er hægt að komast áfram til annarra heimsálfa á þægilegan og fljótlegan hátt. Svo ekki sé nú minnst á þægindin sem felast í því þegar komið er heim aftur, hversu fljótt maður getur verið kominn aftur inn fyrir dyrnar heima hjá sér. Vonandi sjá sem flest tækifærin og nýta sér þessi flug,“ segir Arnheiður Jóhannsdóttir, framkvæmdastjóri Markaðsstofu Norðurlands, í fréttatilkynningunni.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …