Samfélagsmiðlar

Fengu allar sex Boeing Max þoturnar

Nú þegar gangurinn er of hægur í framleiðslusölum Boeing þá eru notaðar Max þotur eftirsóttar.

Stjórn norska lágfargjaldaflugfélagsins Flyr óskaði eftir gjaldþrotaskip í síðustu viku en félagið náði aðeins að halda úti áætlunarflugi í 19 mánuði þrátt fyrir að hafa fengið inn um 20 milljarða í hlutafé síðustu tvö ár.

Í flota Flyr voru tólf Boeing 737 þotur og helmingurinn af gerðinni Max 8 líkt og Icelandair notar.

Og stjórnendur Norwegian biðu ekki boðanna því þeir hafa nú þegar tryggt sér allar þessar sex Max þotur með leigusamningi við Air Lease Corporation að því fram kemur í tilkynningu. Þetta er sama flugvélaleiga og átti þotuna sem Isavia kyrrsetti við gjaldþrot Wow Air og fór fram á að ríflega 2 milljarða króna skuld íslenska flugfélagsins við Keflavíkurflugvöll yrði gerð upp.

Veðja áfram á Boeing

Samband Norwegian við Boeing hefur verið mjög stirt um langt árabil og má rekja upphafið til endurtekinna bilanna á Boeing Dreamliner þotunum en hluti þeirra var áður í eigu FL-Group. Þegar flugbann var sett á heimsvísu á Boeing Max þotur, eftir tvö flugslys þar sem 346 manns misstu lífið, þá olli það Norwegian miklum vanda. Félagið hafði veðjað á þessa gerð flugvéla, bæði fyrir flug innan Evrópu en líka frá Bretlandi og Írlandi yfir til Bandaríkjanna. Þegar flugbannið drógst á langinn og heimsfaraldurinn var í algleymingi þá riftu stjórnendur Norwegian samningi sínum um kaup á fjölda Max þota. Sættir náðust þó í fyrra enda þarf norska félagið á nýjum litlum þotum að halda eins og leigusamningur dagsins ber vott um.

Nýtt efni

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …

Sjö af þeim níu þotum sem voru í flota Wow air undir það síðasta voru í eigu flugvélaleigunnar Air Lease Corporation (ALC). Ein þeirra var kyrrsett á Keflavíkurflugvelli í kjölfar gjaldþrots flugfélagsins þann 28. mars árið 2019 en í takt við samkomulag Wow Air og Isavia var ávallt ein þota félagsins eftir á Keflavíkurflugvelli sem …

Það styttist í að Strætó geti boðið farþegum upp á að greiða með bankakortum á snertilausan hátt í vögnum sínum. „Loksins!“ segja vafalaust margir óreglulegir notendur þjónustunnar, sem hafa pirrað sig á því hversu flókið og fráhrindandi greiðslukerfi Strætó er - að þurfa að hlaða niður Klapp-appinu (smáforriti), kaupa sérstaka passa með fyrirframgreiddum fargjöldum og …