Samfélagsmiðlar

Flugsæti sumarsins seljast best

grikkland strond Alex Blajan

Nú í ársbyrjun hafa fleiri bókað utanlandsferð sumarsins en raunin var á sama tíma í fyrra.

Í Covid-faraldrinum opnuðu landamæri og lokuðu á víxl og skiljanlega bókaði fólk þá flugmiða með miklu styttri fyrirvara en áður. Og þó óvissan sem kórónaveiran olli hafi verið úr sögunni frá og með síðastliðnu vori þá bárust bókanir á ferðum ennþá seint líkt og endurtekið kom fram í máli forsvarsfólks ferðaþjónustufyrirtækja.

Núna er staðan hins vegar önnur því roksala var á flugmiðum hjá bæði Icelandair og Play í janúar og nú eru flestir að tryggja sér sæti í sumarferðina.

„Í janúar 2022 var hæst hlutfall bókana fyrir ferðalög innan mánaðar og í febrúar. Í janúar í ár voru flestar bókanir fyrir ferðalög í júní og júlí,“ útskýrir Guðni Sigurðsson hjá Icelandair en flugfélagið setti met í sölu í síðasta mánuði.

Hjá Play berast líka pantanir með lengri fyrirvara því að sögn Nadine Guðrúnar Yaghi, samskiptastjóra flugfélagsins, þá er ekki bara mikil eftirspurn eftir ferðum sumarsins og heldur líka fyrir haustið og næsta vetur.

Skortur á gistingu og hátt verðlag

Sú staðreynd að kórónaveiran takmarkar ekki lengur ferðalög milli landa er líklegasta skýringin á því að fólk er óhrætt við að bóka flug og hótel langt fram í tímann. Það má hins vegar reikna með að hátt verðlag í fyrra hafi líka sitt að segja. Neytendur vilja einfaldlega komast hjá því að borga eins mikið í ár fyrir utanlandsferðina og margir þurftu að gera í fyrra.

Skortur á gistingu gæti líka haft sitt að segja og sérstaklega þegar kemur að ferðum til Íslands. Í fyrravor var til að mynda farið að vera erfitt fyrir ferðaskrifstofur að finna gistingu víða um land fyrir komandi sumarvertíð. Og samkvæmt því sem Túristi heyrir þá stefnir í að þessi staða komi ennþá fyrr upp nú í ár.

Nýtt efni

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …

Clive Stacey hefur skipulagt ferðir fyrir Breta til Íslands í áratugi en ferðaskrifstofa hans, Discover the World, hefur fleiri áfangastaði á boðstólum. Og kannski sem betur fer, því nú hefur eftirspurn eftir Íslandsreisum dregist saman. „Í fyrsta sinn í 40 ára sögu fyrirtækisins höfum við selt fleiri ferðir til Noregs en til Íslands. Fyrirspurnum um …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Við þessa breytingu lagðist tímabundið niður sala á gjaldeyri á Keflavíkurflugvelli þar sem Change Group hafði ekki fengið tilskilin leyfi til að sinna gjaldeyrisviðskiptum hér …

„Við erum hörkuánægð með þessa leið," segir Tómas Ingason, framkvæmdastjóri tekju-, þjónustu- og markaðssviðs Icelandair, aðspurður áhugaverðar farþegatölur frá í Raleigh-Durham í Norður-Karólínu. Þær sýna að 5.443 farþegar nýttu sér ferðir Icelandair til og frá flugvellinum í mars sl. sem þýðir þoturnar hafi verið þéttsetnar í nánast hverri ferð enda var sætanýtingin 94 prósent að …

Árið 1990 voru 60 prósent allra viðskipta í smásöluverslunum í Danmörku lokið með greiðslu peningaseðla. Búðirnar tóku á þessum árum fúslega við krumpuðum peningaseðlum og gáfu til baka annað hvort með öðrum jafn sjúskuðum peningaseðlum eða nýstraujuðum seðlum beint úr hirslum Seðlabankans.  Í dag, rúmum þrjátíu árum síðar, enda einungis 9 prósent innkaupa með greiðslu peningaseðla. …