Samfélagsmiðlar

Hægt miðar í rétta átt

Umferðarmannvirki í Miami

Orkuupplýsingastofnun Bandaríkjanna (EIA) gerir ráð fyrir að það dragi heldur meira úr kolefnislosun innanlands á árinu 2023 en gert hafði verið ráð fyrir. Ástæðurnar eru hægur vöxtur í efnahagslífinu og meiri notkun endurnýjanlegra orkugjafa til húshitunar og í samgöngum.

Losun frá brennslu kola í Bandaríkjunum minnkar um 15 prósent, einkum vegna minni notkunar kola til kyndingar. Rafvæðing húsakyndingar og til annarra heimilisnota stuðlar að því að gasnotkun minnkar um eitt prósent. Búist er við að losun vegna bensínnotkunar í Bandaríkjunum dragist saman um eitt prósent frá í fyrra vegna fjölgunar rafbíla. Það munar um það. Bensínnotkun Bandaríkjamanna svarar til um níu prósenta af allri olíubrennslu í heiminum.

Það miðar s.s. hægt að minnka kolefnisspor í Bandaríkjunum. EIA gerir ráð fyrir að orkutengd kolefnislosun haldist í heildina svipuð á næsta ári, 2024. Losun vegna brennslu jarðefnaeldsneytis aukist heldur vegna meiri ferðalaga á flugvélum og bílum. 

Gatnamót í Kína – MYND: Unsplash / Denys Nevozhai

Á heimsvísu gerir EIA ráð fyrir að notkun fljótandi jarðefnaeldsneytis aukist áfram, fari úr 1,1 milljón tunna á dag á þessu ári í 1,8 milljónir tunna á dag á því næsta. Mestu munar þar um aukna notkun í Kína og í þróunarlöndum utan OECD. Þetta er þó háð töluverðri óvissu. Ekki er vitað hvernig eftirspurn þróast í Kína eftir að fallið var frá núll-stefnunni í Covid-málunum og eins hver áhrifin verða af áframhaldandi stríðsrekstri Rússa í Úkraínu. 

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …