Samfélagsmiðlar

Isavia tekur við allri stjórn flugumferðar við Keflavíkurflugvöll af dótturfélaginu sem stýrir Íslenska flugstjórnarsvæðinu

„Nú þurfa flugfélögin aðeins að leita til okkar með upplýsingar eða aðstoð en ekki bæði til okkar og dótturfélagsins Isavia ANS," segir Bjarni P. Tryggvason, forstöðumaður flugturnsins á Keflavíkurflugvelli, um þá ákvörðun móðurfélags Isavia að taka við allri flugumferðarþjónustu við Keflavíkurflugvöll.

Keflavíkurflugvöllur

Horft út á Keflavíkurflugvöll

Isavia ohf. hefur tekið við öllum daglegum rekstri og faglegri umsjón flugumferðarþjónustunnar á Keflavíkurflugvelli af dótturfélaginu Isavia ANS, sem hefur umsjón með Íslenska flugstjórnarsvæðinu. Þar með er móðurfélagið með fulla ábyrgð á öllum rekstri og aðflugi að alþjóðaflugvellinum í Keflavík.

„Með þessum breytingum getum við hjá Isavia ohf. veitt betri þjónustu fyrir viðskiptavini okkar,“

segir Bjarni P. Tryggvason, forstöðumaður flugturnsins á Keflavíkurflugvelli, við fyrirspurn Túrista.

„Nú þurfa viðskiptavinir okkar, þ.e. flugfélögin, aðeins að leita til okkar með upplýsingar eða aðstoð en ekki bæði til okkar og dótturfélagsins Isavia ANS. Það er lykilástæða breytinganna en ekki fjárhagsleg hagræðing. Breytingin hefur áhrif á takmarkaðan fjölda starfsmanna. Við erum með þessu að veita breytta og betri þjónustu.“

Að undangengnu samþykktarferli afhenti Jón Gunnar Jónsson, forstjóri Samgöngustofu, Önnu Björk Bjarnadóttur, framkvæmdastjóra þjónustu og rekstrar hjá Isavia, starfsleyfið með formlegum hætti á dögunum.

Frá vinstri: Jón Gunnar Jónsson, forstjóri Samgöngustofu, Hlín Hólm, deildarstjóri flugleiðsögu, flugvalla og flugverndar hjá Samgöngustofu, Þröstur Jónsson, eftirlitsmaður flugs hjá Samgöngustofu, Anna Björk Bjarnadóttir, framkvæmdastjóri þjónustu og rekstrar hjá Isavia, Helga R. Eyjólfsdóttir, forstöðumaður öryggisstjórnunar hjá Isavia, og Júlía Guðbjörnsdóttir, sérfræðingur starfsleyfa og ytri krafna hjá Isavia. – MYND: Isavia

Skömmu eftir skipulagsbreytingar Isavia árið 2019, þar sem m.a. var stofnað sérstakt félag utan um rekstur flugleiðsögu hjá dótturfélaginu Isavia ANS, var ákveðið að flugumferðarþjónusta á Keflavíkurflugvelli yrði að fullu hluti af daglegum rekstri Isavia ohf. og þannig tryggt að allir helstu þættir reksturs Keflavíkurflugvallar væru á sömu hendi. Rekstur daglegrar starfsemi flugturnsins í Keflavík hefur til þessa verið að stórum hluta á forræði Þjónustu og rekstrarsviðs á meðan fagleg yfirsjón hefur verið á hendi Isavia ANS.

Loftrýmið í kringum Keflavíkurflugvöll sem stýrt er af Isavia ohf. – MYND: Isavia

Þjónustu og rekstrarsvið mun í framhaldi breytingarinnar hafa með höndum stjórnun á flugumferð á Keflavíkurflugvelli og loftrýminu þar í kring. Loftrýmið nær frá jörðu upp í 3.000 fet. Þjónustan er veitt allan sólarhringinn alla daga ársins og er stærsti hópur starfsmanna flugumferðarstjórar og aðstoðarmenn þeirra. Fyrir utan loftrýmið, sem stýrt er af Þjónustu og rekstrarsviði móðurfélagsins Isavia ohf., tekur við Íslenska flugstjórnarsvæðið. Því verður áfram stýrt af flugumferðarstjórum Isavia ANS frá flugstjórnarmiðstöðinni í Reykjavík.

Flugstjórnarmiðstöð Isavia ANS
Flugstjórnarmiðstöð Isavia ANS í Reykjavík – MYND: Isavia ANS
Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …