Samfélagsmiðlar

Íslendingar eru innan við fjórðungur farþega í Leifsstöð

Erlendir ferðamenn og tengifarþegar eru stærsti hluti þeirra sem nýta sér flugferðir til og frá Íslandi.

Í síðasta mánuði áttu 403 þúsund farþegar leið um Leifsstöð, en þegar tekið er tillit til þess að hver og einn er talinn bæði við komu og brottför, þá hefur aðeins verið um að ræða vel innan við 200 þúsund manns. Það er nefnilega ekki nóg að deila heildartölunni í tvennt því af þessum 403 þúsundum farþegum voru 85 þúsund tengifarþegar – en þeir eru í raun taldir fjórum sinnum í tölum Isavia.

Þetta hafa því verið á bilinu 175 til 185 þúsund farþegar. Af þeim voru um 42 þúsund með íslensk vegabréf, samkvæmt talningu Ferðamálastofu við vopnaleitina í Leifsstöð. Í þeirri talningu er engin tvítalning og því má segja að innan við fjórði hver farþegi, sem flýgur til og frá Keflavíkurflugvelli, sé Íslendingur.

Í ljósi þessa lága hlutfalls er það töluverð einföldun að skrifa aukið framboð á millilandaflugi á ferðagleði Íslendinga, eins og gert var í fréttum RÚV í gær. Sú staðreynd að flogið er héðan nokkrum sinnum á dag til borga eins og London, Parísar, New York, Boston eða Kaupmannahafnar er því að þakka að í þotunum eru að mestu erlendir ferðamenn eða tengifarþegar, fólk sem er ferðinni milli Norður-Ameríku og Evrópu.

Smæð íslenska markaðarins endurspeglast í áhugaleysi erlendra flugfélaga á auglýsingum í íslenskum fjölmiðlum. Íslandsflug útlendu félaganna stendur nefnilega og fellur með farþegunum sem koma frá heimamörkuðum flugfélagnna en ekki íslenska markaðnum.

Vissulega eru á þessu undantekningar og dæmi um slíkt eru tíðar ferðir Wizz Air milli Íslands og Póllands. Fjöldamargir Pólverjar, búsettir hér á landi, nýta sér þessar ferðir sem sést vel á mismuninum á talningu Ferðamálastofu og hins vegar gistináttatölum Hagstofunnar. Fyrri talningin sýnir að í hverjum mánuði fljúga héðan 5 til 10 þúsund Pólverjar en aftur á móti eru pólsku hótelgestirnir miklu færri.

Svo má ekki gleyma því í allri þessari talnasúpu að hluti þeirra sem taldir eru íslenskir farþegar í Leifsstöð eru í raun Íslendingar búsettir í útlöndum.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …