Samfélagsmiðlar

Kaupa bensín fyrir meira en milljarð á mánuði

Í janúar nam erlend kortavelta á bensínstöðvunum ríflega hálfum milljarði króna og upphæðin hefði í eðlilegu árferði hækkað í febrúar. Verkfall vörubílstjóra olíufélaganna hófst á ný á miðnætti.

Erlendir ferðamenn standa undir umtalsverðum hluta veltunnar á bensínstöðvum landsins.

Þó stór hluti ferðamanna fari um landið í rútum þá leigja langflestir sér bílaleigubíl. Kannanir Ferðamálastofu, sem gerðar voru fyrir heimsfaraldur, sýna að tveir af hverjum þremur ferðamönnum leigja sér bíl á meðan á Íslandsdvölinni stendur.

Gera má ráð fyrir að hlutfallið hafi líka verið hátt í fyrra því þá greiddu viðskiptavinir íslenskra bílaleiga samtals 29 milljarða kr. með erlendum kortum. Það er nærri 40 prósent aukning frá árinu 2019.

Allur þessi fjöldi ferðamanna, sem nýtir bíl í Íslandsferðina, endurspeglast í kortanotkun á íslenskum bensínstöðvum því erlenda kortaveltan í flokknum bensín, viðgerðir og varahlutir nam 15,7 milljörðum króna í fyrra. Þarna hefur bensínið vafalítið verið langstærsti útgjaldaliðurinn en þessi velta jafngildir um 1,2 milljörðum króna á mánuði.

Mest er erlenda kortanotkunin skiljanlega yfir sumarmánuðina. Í ágúst sl. stóðu erlendu kortahafarnir til að mynda undir fimmtungi af veltunni á íslensku bensínstöðvum samkvæmt tölum Rannsóknarseturs verslunarinnar.

Erlendu viðskiptavinirnir eru líka margir yfir háveturinn, í janúar sl. voru erlend kort til mynda straujuð fyrir 525 milljónum króna á bensínstöðvum og verkstæðum. Í eðlilegu árferði væri veltan ennþá hærri í febrúar en kjaradeila Eflingar og Samtaka atvinnulífsins mun vafalítið setja strik í reikninginn. Hversu mikið það verður á eftir að koma í ljós en verkfall vörubílstjóra hjá olíufyrirtækjunum hófst á ný á miðnætti.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …