Samfélagsmiðlar

Kínverjar þriðja fjölmennasta þjóðin í hópi ferðamanna annan mánuðinn í röð

Eftir að kínversk stjórnvöld slökuðu á sóttvarnaraðgerðum hefur ferðamönnum frá Kína fjölgað hratt hér á landi.

Norðurljós yfir Mývatni - Geo Travel

Norðurljós yfir Mývatn en Kínverjar hafa lengi sótt í vetrarferðir hingað til að upplifa ljósadýrðina.

Það komu 139 þúsund Kínverjar hingað til lands árið 2019 en það ár voru sjö af hverjum 100 túristum hér á landi kínverskir. Þegar kórónuveirufaraldurinn hófst í ársbyrjun 2020 þá lokuðu landamæri Kína og þó flestir hafi verið komnir á ferðina í fyrra þá þurftu Kínverjar áfram að halda sig heima.

Þetta ástand endurspeglast í ferðamannatalningunni í Leifsstöð því samkvæmt henni flugu aðeins sjö þúsund Kínverjar frá Íslandi árið 2021. Gera má ráð fyrir að langflestir þeirra hafi verið búsettir í Evrópu og Norður-Ameríku og því ekki fastir í heimalandinu.

Undir lok síðasta árs gátu Kínverjar ferðast á ný til útlanda og í desember sl. flugu héðan rúmlega 6 þúsund Kínverjar eða fjórum sinnum fleiri en nóvember. Í nýliðnum janúar voru kínversku ferðamennirnir aftur rúmlega sex þúsund en bara Bandaríkjamenn og Bretar voru þá fjölmennari í hópi ferðamanna hér á landi. Til samanburðar má nefna að kínversku túristarnir voru um 10 þúsund árið 2019.

Aukingin síðustu tvo mánuði skrifast helst Kínverja með vegabréf frá meginlandi Kína eins og sjá má hér fyrir neðan.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …