Samfélagsmiðlar

Miklu meiri frakt en fyrir Covid-19 en farþegahópurinn fámennari

Icelandair hefur núna yfir að ráða Boeing breiðþotum sem eingöngu eru nýttar í vöruflutninga.

Það voru 210 þúsund farþegar sem nýttu sér ferðir Icelandair til og frá Keflavíkurflugvelli og Vatnsmýrinni í nýliðnum janúar. Þetta eru 17 þúsund færri farþegar en í janúar 2020 en þá var Covid-19 faraldurinn ekki ennþá farinn að hafa áhrif á starfsemina.

Farþegarnir eru því sem fyrr færri en þeir voru fyrir heimsfaraldrinum en í tilkynningu frá Icelandair er bent á að slæmt veður í janúar hafi bæði haft neikvæð áhrif á fjölda farþega og stundvísi. Sætanýtingin í mánuðinum var 75 prósent sem er bæting um tvö prósentustig frá því fyrir þremur árum síðan.

Þegar kemur að vöruflutningum þá eru umsvifin hjá Icelandair miklu meiri en þau voru fyrir Covid-19. Í janúar flutti félagið þannig 13,8 þúsund tonn af frakt sem er á pari við metmánuðinn nóvember 2021 og þriðjungi meira en í janúar 2020.

„Það er mjög ánægjulegt að sjá mikla aukningu í fraktflugi sem skýrist af því að við höfum tekið Boeing 767 breiðþotu inn í fraktflotann. Stefnt er að því að taka aðra breiðþotu inn í flotann á vormánuðum og áherslan til framtíðar er á að byggja upp tengimiðstöð fyrir frakt á milli Evrópu og Norður-Ameríku, líkt og við höfum gert með góðum árangri í farþegafluginu,“ segir Bogi Nils Bogason, forstjóri Icelandair, í tilkynningu. 

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …