Samfélagsmiðlar

Neyðarnúmer fyrir ferðamenn sem misst hafa hótelgistingu

Sólfarið

Ferðamenn við Sólfarið.

Verkföll Eflingar eru þegar farin að hafa veruleg áhrif á ferðaþjónustuna og útlitið fyrir að ástandið versni með lokun fleiri hótela og skorti á eldsneytisbirgðum að því segir í tilkynningu Ferðamálastofu. Af þeim sökum hefur starfsfólk Ferðamálastofu opnað sérstakt neyðarnúmer fyrir hótelgesti sem opið er allan sólarhringinn.

„Númerið 891- 7765 er eingöngu ætlað gestum í neyð sem ekki ná að endurbóka sjálfir eða aðrir ferðaþjónar ná ekki að aðstoða viðkomandi. Samhliða þessu hefur verið sett sérstök ensk síða þar sem finna má upplýsingar.“

Opnun neyðarnúmersins er ein þeirra aðgerða sem gripið hefur verið til svo hægt sé að aðstoða ferðafólk sem lendir í vandræðum vegna kjaradeilu Eflingar og Samtaka atvinnulífsins.

Ferðamálastofa hefur einnig sent kannanir á hótel í nágrenni höfuðborgarsvæðisins til að finna út úr bókunarstöðu og fá upplýsingar um mögulegar lokanir.

„Ferðamálastofa vinnur náið með ráðuneyti ferðamála varðandi þessi mál öll og er í góðu sambandi við Almannavarnadeild ríkislögreglustjóra til að upplýsa um stöðu mála eins og kostur er,“ segir jafnframt í tilkynningu Ferðamálastofu. 

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …