Samfélagsmiðlar

Norwegian rekið með hagnaði

norwegian vetur

Árin fyrir heimsfaraldur var rekstur Norwegian öfugum megin við núllið en félagið var á þeim tíma stórtækt í flugi milli Evrópu og Norður-Ameríku. Sá hluti útgerðarinnar var lagður niður í tengslum við fjárhagslega endurskipulagningu flugfélagsins í Covid-19 faraldrinum og nú í morgunsárið kynntu stjórnendur flugfélagsins uppgjör sitt fyrir árið 2022, fyrsta árið sem félagið nær að halda úti eðlilegri starfsemi eftir umbreytinguna.

Og niðurstaðan er hagnaður upp á rúmlega 1 milljarð norskra króna eða 14,8 milljarða íslenskra króna en til samanburðar tapaði Icelandair um 800 milljónum í fyrra en tap Play var 7,5 milljarðar kr.

Norwegian var reyndar líka rekið með hagnaði í fyrra en sú niðurstaða skrifaðist ekki á reksturinn heldur fyrrnefnda uppstokkun á fjármálunum. Árið 2022 var því í raun fyrsta árið sem norska flugfélagið er rekið með hagnaði síðan árið 2016.

Auk þess að hætta flugi til Norður-Ameríku þá hefur Norwegian lokað starfsstöðvum sínum fyrir utan Skandinavíu. Sú breytingin hefur haft mikil áhrif á umsvif félagsins á Keflavíkurflugvelli því á árunu fyrir heimsfaraldur flugu þotur Norwegian hingað frá fimm spænskum áfangastöðum og eftir gjaldþrot Wow Air var ekkert annað félag jafn stórtækt í farþegaflugi milli Íslands og Spánar. Í dag takmarkast Íslandsflug Norwegian hins vegar við tvær ferðir í viku frá Ósló.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …