Samfélagsmiðlar

Svanurinn ekki áberandi á norrænum hótelum og veitingahúsum

Svansvottun hefur ekki náð ýkja mikilli útbreiðslu í hótel- og veitingahúsageiranum á Norðurlöndum. Þar eru 385 gististaðir með Svansleyfi og aðeins 85 veitingahús, mötuneyti og kaffihús.

Hótel Reykjavík Grand

Hótel Reykjavík Grand er með Svansvottun

Svanurinn er svokölluð Týpa 1-vottun sem byggist á ISO 14024-staðli, sem þýðir að vottunin er óháð hagsmunaaðilum og tekur tillit til alls lífsferils vöru og þjónustu. Hún er alþjóðlega viðurkennd og er staðfesting á því að viðkomandi fyrirtæki hafi farið alla leið í þeirri viðleitni að starfa samkvæmt kröfum um að virða og verja umhverfi og samfélag.

Í móttökusal Hótel Reykjavík Grand – MYND: ÓJ

Stöðugt fastar er tekið á ýmsum umhverfisþáttum sem varðað geta hótel- og veitingahús innan Evrópusambandsins, eins og með tilskipun um takmarkanir á notkun á plasti. Það sem ákveðið er í Evrópusambandinu hefur á endanum áhrif á Íslandi.

MYND: Umhverfisstofnun

Túristi fjallaði á dögunum um Svansmerkið og íslenska ferðaþjónustu og athygli vakti hversu fáir íslenskir gisti- og veitingastaðir hafa sótt þessa viðurkenndu vottun. Svipaða sögu er raunar að segja frá hinum norrænu ríkjunum:

Fyrir viðmiðaflokk 055 (hótel og aðrir gististaðir):

385 gististaðir með Svansleyfi:

  • Danmörk: 31
  • Finnland: 37
  • Ísland: 7
  • Noregur: 68
  • Svíþjóð: 242

Fyrir viðmiðaflokk 110 (veitingastaðir, mötuneyti og kaffihús – án gistingar):

85 veitingastaðir, kaffihús og mötuneyti með Svansleyfi:

  • Danmörk: 28
  • Finnland: 7
  • Ísland: 8
  • Noregur: 8
  • Svíþjóð: 34
Sjávarpakkhúsið
Sjávarpakkhúsið í Stykkishólmi er meðal fárra veitingahúsa á Íslandi sem skarta Svaninum – MYND: ÓJ

Svíar eru fjölmennastir norrænu þjóðanna og hafa tekið forystu í báðum flokkum Svansvottunar sem varða gistihús og veitingahús. Forysta þeirra er nokkuð afgerandi í gistihúsaflokknum. Svíar og Danir eru með flestar vottanir í veitingahúsavottuninni – ef horft er framhjá höfðatölureglunni.

Hafa ber í huga að norrænu Evrópusambandsríkin eiga val um fleiri Týpu 1-umhverfisvottanir, eins og EU Ecolabel – eða ESB-blómið, sem er sambærilegt Svaninum. 

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …