Samfélagsmiðlar

Vilja eiga fleiri vélar

Það eru sextán Boeing Max þotur í flota Icelandair í dag og á félagið sjálft aðeins fimm þeirra. Forstjóri félagsins segir fjárfestingu í nýjum þotum ekki útiloka arðgreiðslur.

Bogi Nils Bogason, forstjóri Icelandair.

Flugrekstur Icelandair hefur síðustu áratugi byggst á Boeing 757 þotum sem hafa verið í eigu flugfélagsins sjálfs. Það að eiga en ekki leigja þoturnar var lengi vel sagt vinna með flugfélaginu og gera starfsemina sveigjanlegri.

Eignarhaldið var líka ein af forsendunum fyrir fjárfestingu Icelandair Group í flugfélagi á Grænhöfðaeyjum og eins var hægt að nýta þoturnar sem veð til tryggingar greiðslu á 11 milljarða króna láni hjá Landsbankanum fyrir fjórum árum síðan.

Tilkynnt var um þá lánveitingu þann 11. mars 2019 en daginn áður hafði Boeing Max þota farist í Eþíópíu. Þetta var í annað skiptið á skömmum tíma sem þessar nýju flugvélar hröpuðu til jarðar og létust 346 manns í þessum tveimur slysum.

Boeing Max þota við flugstöðina í Raleigh í Bandaríkjunum. Mynd: RDU

Í kjölfarið voru Boeing Max þotur kyrrsettar um allan heim og þar á meðal fjórar af þeim sextán sem Icelandair hafði keypt.

Sá kaupsamningur var undirritaður árið 2012 og lengi vel var lagt upp með að Icelandair myndi sjálft eiga flestar af þessum nýju flugvélum. Hinar yrðu seldar og endurleigðar eins og tíðkast í fluggeiranum.

Í dag er staðan hins vegar önnur því Icelandair á aðeins fimm Max þotur en leigir aðrar ellefu. Skýringin á þessari stöðu liggur meðal annars í hinu óvenjulega ástandi sem ríkt hefur að sögn Boga Nils Bogasonar, forstjóra Icelandair.

„Síðustu ára hafa verið mjög óeðlileg og sett ýmis plön í uppnám. Fjármögnun flugvéla verður alltaf einhver blanda eftir aðstæðum hverju sinni, meðal annars á fjármálamörkuðum. Stefna okkar til lengri tíma er að eiga a.m.k. helming flugvélanna.

Upphaflega pöntunin frá Boeing endaði í 12 vélum og eigum við þrjár þeirra. Allt vélar sem voru fjármagnaðar á árunum 2018-2021. Við höfum svo bætt fjórum vélum við til viðbótar og eigum við tvær þeirra.“

Spurður hvort það muni ekki takmarka mögulegar arðgreiðslur til hluthafa ef Icelandair bætir við eigin þotum þá segir Bogi Nils reksturinn sé aðalmálið í þessu sambandi.

„Ef hann gengur vel er meira svigrúm til að greiða arð og öfugt.“

Ein af Boeing 757 þotum Icelandair sem nýttar voru í rekstur Cabo Verde á Grænhöfðaeyjum

Til viðbótar við þessar sextán Boeing Max þotur sem Icelandair er með í dag þá er gert ráð fyrir fjórum þess háttar í viðbót fyrir lok þessa árs og þar af tveimur fyrir sumarið.

Það hefur þó verið mikill dráttur á afhendingu nýrra flugvéla síðustu misseri og það kom fram máli forstjóra Norwegian í síðustu viku að þar á bæ er ekki lengur reiknað með tíu nýjum Max þotum fyrir sumarvertíðina. Félagið náði þó að bæta sér það upp að hluta til með sex af þeim þotum sem norska flugfélagið Flyr nýtti en það fór á hausinn nú í ársbyrjun.

Eins og ítrekað hefur komið fram hér á síðum Túrista og í öðrum íslenskum fjölmiðlum undanfarin ár þá hafa stjórnendur Icelandair lengi velt fyrir sér hvernig flugvélar sé best að panta til að fylla almennilega það skarð sem hinar gömlu Boeing 757 þotur munu skilja eftir sig í flotanum. Niðurstaða mun ekki liggja fyrir ennþá en félagið áformar að nýta tólf Boeing 757 í ár en þær voru 26 árið 2018.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …