Samfélagsmiðlar

Barist gegn takmörkun flugumferðar um Schiphol-flugvöll

Herferð hefur verið hrundið af stað til að hnekkja ákvörðun hollensku ríkisstjórnarinnar um að takmarka flugtök og lendingar á Schiphol-flugvelli við Amsterdam við 440 þúsund á ári.

Á Schiphol-flugvelli

Ýmsir hagaðilar í sveitarfélögum, eigendur fyrirtækja og verkalýðsfélög, hafa skipulagt baráttu gegn takmörkunum á flugumferð um völlinn og safna nú á vef sínum Red Schiphol, eða Björgum Schiphol, undirskriftum þeirra sem ósáttir eru við ákvörðun ríkisstjórnarinnar.

Flugvél KLM á Schiphol – MYND: ÓJ

„Schiphol-flugvöllur er þjóðareign sem gerir Hollandi fært að vega þyngra í heimsviðskiptum en stærð landsins annars leyfði. Á flugvellinum starfa meira 2.000 manns og hann styður við störf víðsvegar í hagkerfinu. IATA varaði við því árið 2019 að ef hollenskur flugrekstur veiktist gætu 84.000 störf verið í hættu,“ segir George Chichester, framkvæmdastjóri Red Schiphol. Hann viðurkennir að loftslagsmálin séu brýnustu úrlausnarefni samtímans en flugtakmarkanir á Schiphol muni aðeins beina umferð á aðra velli, eins og Heathrow og Charles de Gaulle, en ekki draga úr losun vegna flugumferðar.

Farþegar bíða flugs á Schiphol – MYND: ÓJ

Þá muni takmarkanir á lendingarplássum auka samkeppni flugfélaga og hækka verð á flugmiðum. Það komi niður á hollenskum almenningi sem þegar þurfi að takast á við hækkandi orkuverð og framfærslukostnað. Ríka fólkið verði ósnortið af þessum ráðstöfunum en þeir efnaminni þurfi að skera niður ferðalög. Nær væri að ríkisstjórnin einbeitti sér að innleiðingu vistvæns eldsneytis og styddi við fjölþjóðleg verkefni sem miða að því að draga úr losun.

Árið 2021 var Schiphol í þriðja sæti á lista flugvalla í heiminum með mesta umferð. Þegar flestir farþegar fóru um völlinn töldust þeir nærri 72 milljónir á einu ári.

Biðsalur á Schiphol – MYND: ÓJ

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …