Samfélagsmiðlar

Endurgreiða þeim sem áttu bókað

Þotur Condor hefðu sett sterkan svip á flugvallarsvæðin fyrir norðan og austan í sumar enda óvenjulegar í útliti.

Nú liggur ljóst fyrir að ekkert millilandaflug verður í boði frá Egilsstöðum í sumar því hið þýska Condor hefur hætt við ferðir sínar þangað frá Frankfurt en fyrsta brottför var á dagskrá í maí. Það sama gildir um áform félagsins um að halda úti vikulegu flugi til Akureyrar. Frá þessu var greint í gær og ferðafrömuðir fyrir norðan og austan lýstu vonbrigðum sínum hér á síðum Túrista í framhaldinu.

„Þetta eru náttúrulega vondar fréttir, það hefur gríðarleg vinna farið í að vinna að því að af þessu flugi yrði og að undirbúa móttöku farþega Condor hér. Hér höfum við öll lagt mikið á okkur undanfarna mánuði í undirbúningi fyrir flugið,” sagði Jóna Árný Þórðardóttir, framkvæmdastjóri Austurbrúar og fleiri tóku undir með henni.

Hjá Condor fást ekki upplýsingar um hversu margir Íslendingar áttu bókað far til Þýskalands í sumar en talskona flugfélagsins segir að allir miðar verði endurgreiddir í samræmi við reglur um réttindi farþega. Auk þess geti fólk fengið svör í þjónustuveri félagsins varðandi endurbókanir.

Stutt í þarnæsta sumar

Í tilkynningu sem send var út í gærkvöld, um ákvörðun stjórnenda Condor, segir að megin skýringin á niðurfellingu ferðanna sé sú að salan hafi farið of seint af stað. En það var í júlí í fyrra sem tilkynnt var um þessi áform en þá voru 10 mánuðir í fyrstu ferð.

Í dag eru 14 mánuðir í að sumarvertíðin 2024 hefjist en talskona Condor vill ekkert segja um hvort Akureyri og Egilsstaðir rati inn á áætlun næsta árs og þá hvenær miðasala hefjist.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …