Samfélagsmiðlar

Fólk setur ferðalög í forgang

Forstjórar flugfélaganna í Brussel nú í morgun.

Forstjórar þriggja af stærstu flugfélögum Evrópu eru sammála um að eftirspurnin eftir flugferðum sé mikil þessi misserin. Þetta kom fram á blaðamannafundi hagmunasamtakanna Airlines4Europe í Brussel fyrr í dag.

„Farþegarnir eru í raun fleiri en við getum flogið með,“ sagði Carsten Spohr, forstjóri Lufthansa Group. Starfsbróðir hans hjá Easyjet, Johan Lundgren, tók undir.

„Á mörgum mörkuðum er að koma í ljós að neytendur setja ferðalög í forgang. Fólk vill fara í sumarfrí, heimsækja vini og fjölskyldur og svo er hópur sem blandar saman ferðalögum og vinnu. Flugið er svo sannarlega komið aftur,“ sagði Lundgren.

Örtröð á evrópskum flugvöllum setti svip sinn á síðustu sumarvertíð. Flugáætlanir fóru úr skorðum og mikið var um seinkanir sem meðal annars mátti rekja til þeirrar staðreyndar að flugvellir höfðu ekki undan, sérstaklega átti það við afgreiðslu við öryggishlið.

Spurður hvort hætta væri á að ástandið í sumar yrði álíka slæmt og í fyrra þá sagði Michael O’Leary, forstjóri Ryanair, telja að komandi sumar yrði mun betra því mannekla einkenndi ekki lengur fluggeirann.

„Það eru hins vegar útlit fyrir áframhaldandi verkföll, til að mynda meðal flugumferðastjóra. Lokun lofthelgi Úkraínu og takmarkanir á flugumferð á því svæði valda líka vanda,“ sagði forstjóri Ryanair sem var harðorður í gagnrýni sinni á franska flugumferðastjóra. Benti hann á að verkföll þeirra lami samgöngur innan Evrópu en á sama tíma fái innanlandsflug í Frakklandi undanþágur og haldi áfram eins og ekkert hafi í skorist.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …