Samfélagsmiðlar

Fyrsta skemmtiferðaskipið

Metárið í komum skemmtiferðaskipa hófst í dag í Reykjavík með komu Ambience, skips í eigu breska félagsins Ambassador Cruise Line. Vænst er 266 heimsókna 98 skipa í ár. Þau geta flutt um 290 þúsund farþega og í áhöfnum þeirra eru 129 þúsund manns.

Ferðamenn og skemmtiferðaskip

Leitað að næstu ferð í bæinn

Það var napurt um miðjan daginn á Skarfabakka. Fáir á ferli í kringum fyrsta skemmtiferðaskip ársins – metársins 2023. Vafalaust eru flestir farþegar í skipulögðum skoðunarferðum á einhverjum vinsælum ferðamannaslóðum. Túristi sá ein hjón rýna í skilti með upplýsingum um áætlun ferðamannarútunnar um höfuðborgina. Skipið siglir á vit nýrra ævintýra annað kvöld.

Á vef Faxaflóahafna er hægt að fylgjast með skipakomum til Reykjavíkur á árinu. Þar sést að um miðjan maímánuð fer skemmtiferðaskipunum mjög að fjölga og segja má að hvern dag í sumar muni eitthvert þeirra liggja við Skarfabakka eða í gömlu Reykjavíkurhöfn – stundum fjögur eða fimm sama dag þegar flest verða hér í júlí.

Ambience, varðskipin og Viðeyjarferjan – MYND: ÓJ

Ambience er 70 þúsund tonna fley, 245 metra langt, smíðað 1991 en endurnýjað síðast 2022. Um borð eru 789 káetur og er áætlað að skipið geti flutt 1.400 farþega. Á vef skipafélagsins getur m.a. að líta kynningu á íslenskum mat, sem sagt er að gestir geti nálgast í landi: kjöt af hrossum og hreindýrum, lunda og hval. Svo er líka bent á lambið, pylsu með öllu og hákarl.

Næsta skip sem leggst að á Skarfabakka er flaggskip Fred Olsen-skipafélagsins, Bolette, sem ber nafn ömmu upphafsmanns norsku stórútgerðarinnar, Fred Olsen (1857-1933). Bolette hét áður Amsterdam en komst í eigu Fred Olsen-skipafélagsins árið 2020. Bolette er litlu minna skip en Ambience og leggst að Skarfabakka að morgni fimmtudags.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …