Samfélagsmiðlar

Mótmælin draga úr bókunum en þó ekki hjá Icelandair

Horft yfir strandlengjuna í Tel Aviv en þangað fer Icelandair sína fyrstu áætlunarferð í sumarbyrjun.

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu.

Þessi mikla spenna sem ríkir í Ísrael er farin að hafa veruleg áhrif á áhuga útlendinga á ferðalögum til Ísrael. Sérstaklega á það við bókanir frá Evrópu því nú hafa verið gefnir út þriðjungi færri flugmiðar til Ísrael en á sama tíma fyrir heimsfaraldur. Undir lok síðasta árs voru pantanir hins vegar á pari við það sem var fyrir Covid-19.

Bókanir á flugi frá Bandaríkjunum til Ísrael eru í dag fjórum prósentum fleiri en þær voru á sama tíma á árunum fyrir heimsfaraldur. Batinn var þó miklu meiri í ársbyrjun því þá nam aukningin um 40 prósentum eins og sjá má á myndinni hér fyrir neðan.

Heimild: ForwardKeys

Icelandair ætlar að spreyta sig á áætlunarflugi til Ísrael í fyrsta sinn nú í sumar og verður fyrsta ferðin til Tel Aviv, næstfjölmennustu borgar landsins, farin þann 10. maí. Aðpurður segir Guðni Sigurðsson, talsmaður Icelandair, að þar á bæ hafi ekki dregið úr bókunum í flugið til og frá Tel Aviv að undanförnu.

Guðni bendir á að áætlanir Icelandair hafi gert ráð fyrir að fjölmennasti farþegahópurinn yrðu ísraelskir ferðamenn á leið til Íslands og þar á eftir kæmu svo Ísraelar á leið til Bandaríkjanna. Aftur á móti sé reiknað með að hlutfall Íslendinga verði lágt.

„Sá markaður hefur hins vegar farið ágætlega af stað í sölu og ljóst að Íslendingar eru spenntir fyrir að kynna sér framandi slóðir,“ bætir Guðni við.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …