Samfélagsmiðlar

Bandarísku sjóðirnir lækka og Fossar á topplistann

Það var í lok janúar sl. sem bandaríska verðbréfafyrirtækið Briarwood Capital Partners komst á lista yfir 20 stærstu hluthafa Icelandair. Tveimur vikum síðar var Briarwood Capital orðinn næststærsti hluthafinn með 3,67 prósent hlut. Markaðsvirði hlutabréfanna var þá 3,2 milljarðar króna.

Gengi Icelandair í Kauphöllinni hefur hins vegar fallið um 11 prósent síðan þá og samkvæmt nýjasta hlutahafa lista flugfélagsins þá er Briarwood aðeins skráð 2,75 prósent hlut. Hefur eign sjóðsins dregist saman um 375 milljón hluti en verðmæti þeirra er í dag 708 milljónir króna.

Briarwood er ekki eini bandaríski sjóðurinn sem hefur dregið úr eign sinni í Icelandair að undanförnu því það hefur líka Miri Capital gert. Sá sjóður eignaðist 1,48 prósent hlut í Icelandair um áramótin en nú í lok vetrar lækkaði hluturinn niður 1,25 prósent.

Samtals hefur eign Miri Capital og Briarwood Capital lækkað um 469 milljónir hluta frá því sem mest var en verðbréfafyrirtækið Fossar, sem sá um að kaupa bréfin í Icelandair fyrir sjóðina tvo, er í núna í fyrsta sinn á lista yfir 20 stærstu hluthafa flugfélagsins með 483 milljónir hluta.

Eign Fossa í dag nemur því álíka mörgum hlutabréfum og bandarísku sjóðirnir hafa losað sig við að undanförnu. Það skal þó ekki útiloka að Fossar séu aðeins skráðir fyrir bréfunum fyrir hönd Miri Capital og Briarwood á sama hátt og bankar og verðbréfafyrirtæki eru á hlutahafalistum vegna viðskiptavina sinna.

Eign Fossa í Icelandair jafngildir 1,18 prósent hlut og er markaðsvirði bréfanna 913 milljónir króna. Þar með hefur eign erlendra fjárfesta í Icelandair lækkað en hún er engu að síður miklu hærri í dag en áður var eða rúmlega fjórðungur.

Túristi spurði Lilju Dögg Alfreðsdóttur, viðskipta- og menningarmálaráðherra, nýverið hvort hún hefði áhyggjur af breyttu eignarhaldi í Icelandair en það sagðist ráðherrann ekki hafa. Vísaði Lilja Dögg til þess að verulegur meirihluti í flugfélaginu væri ennþá í eigu Íslendinga.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …