Samfélagsmiðlar

Danir leiðandi í mælingum á kolefnisfótspori ferðamanna

Stefnt er að því að í lok ársins verði hægt að áætla hversu stórt kolefnisfótspor ferðamanna í Danmörku er og hversu mikil losun fylgir ferðalögum Dana erlendis. Danir eru meðal þeirra fyrstu sem gera slíka útreikninga.

Túristar og Litla hafmeyjan

Markmið alþjóðasamfélagsins er að hafa minnkað kolefnisfótspor mannsins um 70 prósent árið 2030 – frá því sem var 1990. Útreikningur á hlut ferðaþjónustunnar í Danmörku og því sem fylgir ferðum Dana um heiminn er liður í því að meta betur losunina og fnna út úr því hvernig hægt er að draga úr henni. Ljóst er að þjóðir heims þurfa að vinna stórvirki á allra næstu árum til að ná markmiðinu um stórminnkaða losun og á endanum kolefnishlutleysi. 

Túristar í Kaupmannahöfn – MYND: ÓJ

Ferðamálaráð Danmerkur hóf undirbúning þessa verks á samstarfsvettvangi um eflingu sjálfbærrar ferðaþjónustu og með rannsóknarstofnun í ferðamálum, CRT, á síðasta ári. Unnið er út frá fyrirliggjandi tölum um fjölda ferðamanna og umsvif þjónustunnar við þá til að meta loftslagsáhrif af neyslunni. Hægt verður að greina losun vegna ferðamanna í landinu og áætla líka það sem fylgir ferðum Dana sjálfra um heiminn. Losunin verður flokkuð eftir hvort um er að ræða gistiþjónustu, veitingarekstur eða fólksflutninga í Danmörku. Þannig verður betur hægt í framtíðinni að sjá hvar draga megi úr losun. 

Haft er eftir Anne Thomas, forstjóra CRT, á vef Danska ferðamálaráðsins að mikill alþjóðlegur áhugi sé á þessu framtaki Dana. Hún nefnir Norðurlandaþjóðirnar en líka Þýskaland, Króatíu og Wales. Unnið verði áfram að því að þróa og bæta aðferðirnar. Á næsta ári sé stefnt að því að vinna með losunartölur frá einstökum áfangastöðum ferðamanna í landinu, greina betur neyslumynstur ferðamanna og viðleitni fyrirtækja í umhverfismálum, t.d. ráðstafanir hótela til að draga úr orkunotkun og þar með minnka kolefnisfótspor sitt. 

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …