Samfélagsmiðlar

Fækka ferðum til og frá New York

United hætti við Íslandsflug sitt frá New York í sumar. Félagið þarf líklega að skera niður fleiri ferðir frá þessari fjölmennustu borg Bandaríkjanna og sömu sögu er segja af keppinautunum.

Það reyndi víða á þolinmæði flugfarþega síðastliðið sumar enda kom mannekla niður á þjónustunni á mörgum flugvöllum. Forstjórar stærstu flugfélaga Evrópu eru sammála um að ástandið á komandi sumarvertíð verði betra en starfsbræður þeirra vestanhafs eru hins vegar farnir að skera niður áætlanir sínar í flugi til og frá New York.

Ástæðan er skortur á flugumferðarstjórum og búist er við að flugfélögin Delta, United, American Airlines og Jetblue þurfi að fækka brottförunum frá flugvöllum New York svæðisins um allt að tíu prósent samkvæmt frétt Skift.

Þar kemur jafnframt fram að bandarískum flugmálayfirvöldum gangi óvenju illa að fá fólk til starfa í flugumferðarstjórn í fjölmennustu borg landsins. Þar vanti til að mynda um helmingi fleiri starfsmenn á meðan búið er að manna 8 af hverjum 10 stöðum á landsvísu. Skýringin á þessum vanda liggur meðal annars í löngum þjálfunartíma nýrra flugumferðarstjóra en þess háttar kennsla lá að mestu niðri í heimsfaraldrinum.

Til viðbótar við þennan mönnunarvanda þá hefur gagnrýni á flugumferðastjórn í Bandaríkjunum verið hávær upp á síðkastið vegna tilfella þar sem litlu mátti muna að stórslys yrðu við árekstur flugvéla, til að mynda í New York, Boston og Austin í Texas.

Nú í sumar munu Delta, Icelandair og Play fljúga héðan til New York en United hætti við sínar ferðir líkt og áður hefur komið fram.

Nýtt efni
Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …