Samfélagsmiðlar

Ferðir með næturlestum um Evrópu verði einfaldaðar

Evrópuþingið þrýstir á aðildarlönd ESB um að fjölga næturlestarferðum og samræma betur lestarsamgöngur sín í milli. Meðal þess sem ESB væri tilbúið að leggja fjármuni í væri ný lestarleið milli Stokkhólms og Óslóar.

Beðið eftir lest

Beðið eftir lest í Mílanó

Mikill einhugur ríkti í samgöngunefnd Evrópuþingsins þegar hún samþykkti fyrir helgi nýja áætlun í samgöngumálum sambandsins, sem fer nú til umfjöllunar í þjóðþingum aðildarríkjanna. Um er að ræða uppfærslu á öllu samgönguneti ESB-ríkjanna, svonefnt Ten-T, sem nær yfir vegi, járnbrautarleiðir, flugvelli og ferjusamgöngur. 

Evrópska samgöngunetið – Trans European Transport Network

Með nýju samgönguáætluninni eru kröfur gerðar til aðildarríkjanna um að samræma betur samgöngur sín í milli, ekki síst að auðvelda ferðir næturlesta um mörg lönd sambandsins – eins og frá Svíþjóð um Danmörk og Þýskaland, alla leið til Parísar. Sænska Dagblaðið hefur eftir Jakob Dalunde, fulltrúa Græningja á Evrópuþinginu, að ef Svíar og Norðmenn sameinist um að endurnýja járnbrautarleiðina milli Stokkhólms og Óslóar væri hægt að fá fjárstuðning ESB til verksins. Markmiðið væri auðvitað að fækka flugferðum á milli þessara tveggja höfuðborga.

Dalunde segir að framundan sé hagsmunabarátta og átök en Evrópuþingið vilji ganga lengra og gera meiri kröfur í samgöngumálum en samgönguráðherrar aðildarríkjanna komu sér saman um á fundi sínum í desember. Vonast hann til að einhugurinn á Evrópuþinginu, þvert á flokkslínur, beri ávöxt: fleiri muni ferðast á sjálfbæran hátt, ekki bara innan heimalands heldur á milli landa. Dalunde segir raunar að hálfgerð hallelúja-stemmning með lófaklappi hafi ríkt í samgöngunefnd Evrópuþingsins þegar áætlunin var samþykkt. Nú á eftir að koma í ljós hvernig tekst að fá þjóðþingið með í þennan metnaðarfulla leiðangur um að einfalda og bæta evrópska samgöngukerfið í þágu umhverfisins.

Þýsk járnbrautarlest

Evrópusambandslöndin eru sammála um að ná markmiðinu um kolefnishlutleysi árið 2050. Liður í því er að losun hafi minnkað um 55 prósent þegar árið 2030. Tvöfalda á umferð með hraðlestum fyrir 2030 og hún að vera þrefalt meiri en nú 2050. Þá stefna aðildarríkin að því að 30 milljónir mengunarlausra bíla aki um evrópska vegi 2030 og nánast öll ökutæki sem brenna jarðefnaeldsneyti verði horfnir 2050. Það er því líklega best að menn noti tímann vel – taki fleiri og stærri skref í vistvænum samgöngum á næstu mánuðum og árum.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …