Samfélagsmiðlar

Ferðunum fjölgar en farþegahópurinn stækkar hraðar

Play

Fyrstu þrjá mánuðina í ár nýttu 212 þúsund farþegar sér áætlunarferðir Play en hópurinn taldi rétt um 57 þúsund farþega á sama tíma í fyrra. Þá voru umsvif félagsins líka rúmlega þrefalt minni en þau hafa verið nú í ár.

Hlutfallslega hefur farþegunum fjölgað meira en sem nemur framboðsaukningunni sem sést á betri sætanýtingu. Hún var 81 prósent í nýliðnum mars en 69 prósent á sama tíma í fyrra. Þetta kemur fram í farþegatölum marsmánaðar sem birtar voru fyrr í dag.

Þar segir einnig að ferðir Play hafi verið á réttum tíma í 86 prósent tilvika í ár og því er bætt við að það sé „talsvert betri árangur en hjá flugfélögunum sem PLAY er í samkeppni við.“ Er þarna væntanlega vísað til Icelandair.

Veita upplýsingar um lausafjárstöðuna

Alla jafna nýta stjórnendur flugfélaga ekki hinar mánaðarlegu farþegatölur til að koma á framfæri fjárhagslegum upplýsingum. Í tilkynningu dagsins frá Play er hins vegar tekið fram að lausafjárstaða félagsins sé álíka og hún var um áramótin.

Þá átti félagið um 4,2 milljarða króna í sjóði en hafði stuttu áður fengið 2,3 milljarða frá stærstu hluthöfum félagsins. Í viðtali við Túrista í febrúar útskýrði Birgir Jónsson, forstjóri Play, að sjóðsstaðan væri að byggjast hratt upp þar sem félagið fengi greidda farmiða löngu áður en farþegarnir fara í ferðalagið.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …