Samfélagsmiðlar

Fimm stjörnu veisla í Flatey á Skjálfanda

Flogið var með erlenda gesti í fjórum þyrlum út í Flatey á Skjálfanda í gærkvöld þar sem þeirra beið glæsileg veisla sem starfsfólk Gentle Giants á Húsavík hafði undirbúið. Stefán Guðmundsson, skipstjóri og eigandi Gentle Giants, segist bjartsýnn á að sumarið verði gott fyrir norðan.

Hús Gentle Giants í Flatey á Skjálfanda

„Þetta var náttúrulega bráðskemmtilegt. Við erum auðvitað ánægð þegar fólk er tilbúið að fara út í þessa paradís og njóta þess sem við höfum þar upp á að bjóða,“ segir Stefán Guðmundsson og er mjög sáttur með hvernig til tókst í Flatey í gær.

Stefán (lengst til vinstri á myndinni) ásamt félögum við Flatey í gærkvöld – MYND: Stefán Guðmundsson/Gentle Giants

„Við fengum pöntun með tiltölulega stuttum fyrirvara frá aðila sem við höfum unnið töluvert með um Flateyjarferð þennan dag. Þetta kemur upp óvenju snemma árs. En þegar leysa þarf eitthvert verkefni þá gerum við það með sóma. Fyrst stóð til að farþegar flygju til Húsavíkur og færu með okkur í bátum út í eyna en við fögnuðum því þegar planinu var breytt. Það hefur verið nístingskalt á Skjálfanda síðustu daga.

Ein þyrlanna í Flatey – MYND: Stefán Guðmundsson/Gentle Giants

Úr varð að um 20 gestir okkar voru fluttir með fjórum þyrlum á tilteknum tíma út í Flatey. Síðan fóru þyrlurnar aftur til Akureyrar að sækja eldsneyti og sóttu síðan gestina síðar um kvöldið og flugu með þá burt.“

Hvað beið þessara gesta í Flatey?

„Við fórum út í Flatey snemma í gærmorgun á tveimur bátum, sem óskað hafði verið eftir: trébátnum Faldi ÞH og einum RIB-bátnum okkar, Ömmu Helgu ÞH. Þetta voru 10 manns, áhafnir bátanna, kokkar og þjónar, starfsfólk Gentle Giants. Við gerðum allt klárt.

Allt klárt fyrir gestina – og nikkan þanin á hlaðinu – MYNDIR: Stefán Guðmundsson/Gentle Giants

Þegar gestirnir svo komu var haft ofan fyrir þeim og síðan gengið til veislu. Eftir matinn var farið í sjóstangaveiði í logninu við Flatey. Allir fóru með bros á vör til baka.“

Umræddir gestir eru á ferð um Ísland, fara á vel valda staði, gjarnan í þyrlum, og njóta margs þess besta sem ferðaþjónustan hefur að bjóða. Stefán hjá Gentle Giants orðar það snyrtilega þegar hann segir að þessir gestir séu úr „efri hillum“ í efnalegu tilliti.

„Eins og fólk veit í þessum bransa þá eru hillurnar nokkuð margar. Undanfarna áratugi hef ég alltaf sagt að við þurfum á öllum hillunum að halda – öllum tegundum ferðamanna. Þarna vorum við að vinna með fólki úr efstu hillu og það er auðvitað bæði mjög skemmtilegt og sérstaklega krefjandi. En við gerum okkar besta eins og alltaf.“

Þú ert sáttur hvernig til tókst í gærkvöld?

„Þetta gekk eins og í sögu og skýrist af því að mannskapurinn hefur gert þetta í mörg ár. Við vitum hvernig umgjörðin á að vera og hvernig halda skal á málum.“

Kokkar og þjónar bíða gesta – MYND: Stefán Guðmundsson/Gentle Giants

Veislan í gærkvöld fór fram í húsi í Flatey þar sem áður var járnsmiðja langafa Stefáns og sambyggt lifrarsamlag. Stefán og félagar endurbyggðu þessi hús og voru þau tekin í notkun fyrir einu ári.

„Húsin voru einmitt hugsuð þannig að hægt væri að taka á móti hópum fólks sem vill gera sér dagamun í Flatey og njóta þar veitinga. Síðasta sumar bauð veðrið ekki upp á að margir færu þangað en nú erum við vongóð. Þegar hafa nokkrir hópar bókað Flateyjarferð í sumar til að njóta þess sem við höfum þar að bjóða, bæði Íslendingar og erlendir ferðamenn.“

Gentle Giants hafa um árabil sinnt hvalaskoðun og skoðunarferðum á Skjálfanda en Stefán er með skýra sýn hvað varðar ferðaþjónustu í Flatey.

„Við viljum ekki að í Flatey verði fjöldasamkomur, heldur hafa þetta allt í minni sniðum en víða tíðkast núorðið.“

Móttökuhúsið í Flatey – MYND: Stefán Guðmundsson/Gentle Giants

Hvernig horfir sumarið við ykkur? Hafa margir bókað ferðir í hvalaskoðun frá Húsavík?

„Bókanir fyrir sumarið líta vel út. Svo verður auðvitað tíðarfarið að ráða hvernig vinnst úr því. En við erum tiltölulega bjartsýn – og alveg í skýjunum með það að geta aukið víddina í okkar starfi með þessu nýja húsi í Flatey og þeirri aðstöðu sem það býður upp á.“

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …