Samfélagsmiðlar

Flugtengingum við Billund fjölgar

Umferð um flugvöllinn í Billund hefur aukist meira en um hina tvo stóru flugvelli Jótlands: í Árósum og Álaborg. Fyrr í þessum mánuði hóf Austrian Airlines beint flug milli Vínar og Billund. Þar með var komið á flugi til allra tengiflugvalla Lufthansa-samsteypunnar frá Billund.

Austrian Airlines

Flugfreyjur Austrian Airlines

Félögin sem sinna flugi Lufthansa-samsteypunnar til Billund á Jótlandi eru Austrian Airlines, Brussels Airlines, Swiss – og sjálft móðurfélagið Lufthansa. Nú er svo komið að Jótar og allir þeir sem kjósa að fljúga frá Billund geta komist þaðan til 14 tengiflugvalla, þar af til allra fimm tengiflugvalla Lufthansa-samsteypunnar í Frankfurt, München, Zürich, Brussel og Vín. Flug til síðastnefndu borgarinnar frá Billund hófst 4. apríl. Billund og aðeins 30 aðrir flugvellir í heiminum bjóða upp á slíkar tengingar við Lufthansa-netið. 

Á Billund-flugvelli – MYND: Billund-flugvöllur

Þó að Kaupmannahafnar-flugvöllur sé auðvitað miklu stærri þá hefur Billund tekist betur að endurheimta umferðina fyrir heimsfaraldur. Síðustu 12 mánuði hafa rúmlega 22 milljónir farþega farið um Kaupmannahafnar-flugvöll, í samanburði við rúmar 30 milljónir allt árið 2019, en tæplega 4 milljónir um Billund á sama tímabili, en völlurinn jóski fékk 3,7 milljónir 2019. Stjórnendur Billund gleðjast auðvitað yfir góðum vexti og ekki síður vegna þess að þeim hefur vegnað miklu betur en keppinautunum á Jótlandi, Árósum og Álaborg. Markmiðið er að fá stærri hluta af jóska ferðamarkaðnum en árið 2019 fóru um 2,5 milljónir Jóta, eða danskra Vestlendinga, til útlanda um Kaupmannahafnar-flugvöll. 

Billund sækir líka inn á fragtmarkaðinn, vill keppa við vellina í Kaupmannahöfn, Amsterdam, Frankfurt, Lúxemborg og Liege. Það var mikilvægur sigur að landa stórkúnnanum Mærsk Air Cargo, sem valdi Billund sem tengiflugvöll fragtflutninga í Evrópu, eins og Túristi hefur greint frá. Þrjár Boeing 767-flutningavélar Mærsk sinna þegar flutningum milli Kína og Billund. Stefnt er að því að þaðan verði líka flogið með fragt til og frá Bandaríkjunum. 

Icelandair hóf flug til Billund þrisvar í viku í lok marsmánaðar og Play hefur flug þangað tvisvar í viku um miðjan júní. Áætlanir beggja félaga gera ráð fyrir flugi milli Keflavíkurflugvallar og Billund til loka október. 

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …