Samfélagsmiðlar

Frá Akureyri til meginlandsins í sumar

Flugvöllurinn á Akureyri

Það stefndi í óvenju mikið framboð á millilandaflugi frá Akureyri í sumar.

Hlé var gert á starfsemi Niceair í byrjun mánaðar og ekkert verður af áformum þýska flugfélagsins Condor um Íslandsflug til Akureyrar og Egilsstaða. Framboð á millilandaflugi frá Akureyri í sumar verður því takmarkaðra en útlit var fyrir.

Það munu þó tvö flugfélög halda úti vikulegu flugi til Akureyrar frá Evrópu í sumar, annars vegar hið hollenska Transavia sem kemur frá Rotterdam og svo munu þotur Edelweiss koma frá Zurich. Það er hins vegar ekki hægt að bóka miða í þessar ferðir á heimasíðum flugfélaganna sjálfra.

Ástæðan er sú að flug Transavia er á vegum hollenskrar ferðaskrifstofu en íslenskir farþegar geta bókað sín sæti hjá ferðaskrifstofunni Verdi og kostar farið, báðar leiðir, 97.800 krónur frá 19. júní til 21. ágúst. Sætin eru ódýrari í byrjun og lok sumars.

Sæti í flugferðir Edelweiss er hægt að bóka hjá systurfélaginu Swiss og kosta ódýrustu miðarnir tæpar 50 þúsund krónur. Flogið er frá Akureyri aðfaranótt laugardags og komið heim seint á föstudagskvöldum í júlí og ágúst. Hægt er að finna tengiflug með Swiss frá Zurich í beinu framhaldi til vinsælla strandstaða í suðurhluta Evrópu.

Sem dæmi má nefna að sá sem flýgur frá Akureyri stuttu eftir miðnætti þann 8. júlí getur verið kominn til Mallorca rúmum 8 klukkutímum síðar. Heimferðin þann 21. júlí tekur álíka langan tíma og kostar flugsætið 95 þúsund.

Það eru því valkostir í boði fyrir þá sem vilja komast beint frá Akureyri út í heim í sumar þó vissulega sé úrvalið miklu minna en lagt var upp með. Til viðbótar við þessar áætlunarferðir ætla Heimsferðir að bjóða upp á flug að norðan til Tenerife.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …