Samfélagsmiðlar

Framvegis verður 40% eldsneytis véla Ryanair sem fljúga frá Schiphol sjálfbært

Flugfélagið Ryanair og finnska olíuframleiðslufyrirtækið Neste hafa gert samkomulag um að allar vélar félagsins sem taka á loft frá Schiphol-flugvelli við Amsterdam noti 40% sjálfbært eldsneyti.

ryanair velar

Þessi samningur, sem tók gildi um síðustu mánaðamót, er liður í þeirri áætlun Ryanair að 12,5 prósent af öllu eldsneyti félagsins verði sjálfbært (SAF) fyrir árið 2030 og að félagið verði kolefnishlutlaust 2050. Með því að 40% eldsneytis véla Ryanair sem fljúga frá Schiphol verði sjálfbært er áætlað að losun gróðurhúsalofttegunda frá þeim minnki um 32 prósent. 

Frá Schiphol-flugvelli – MYND: ÓJ

Mikill þrýstingur hefur verið af hálfu stjórnenda Schiphol um að dregið verði úr umhverfisáhrifum frá flugi um völlinn. Forráðamenn Ryanair og Neste segja að samkomulagið hraði orkuskiptum og sé mikilvægt skref í átt að markmiðinu um kolefnishlutleysi.

Neste er leiðandi fyrirtæki í framleiðslu á SAF fyrir flugvélar og ætlar að auka árlega framleiðslugetu sína um 1,5 milljónir tonna fyrir lok þessa árs með því að taka í notkun nýjar hreinsistöðvar í Singapúr og Rotterdam. Stöðugt fleiri flugvellir í Evrópu geta boðið upp á SAF- eldsneyti frá Neste, þeirra á meðal er Schiphol við Amsterdam. 

Höfuðstöðvar Neste í Espoo – MYND: Neste

Flugvélaeldsneytið sem sagt er sjálfbært, SAF, mengar mun minna en hefðbundið jarðefnaeldsneyti. Heildarlosun á öllum líftíma SAF – frá framleiðslu til brennslu – er sögð 80 prósentum minni en frá hefðbundnu jarðefnaeldsneyti. Neste vinnur SAF úr notaðri matarolíu og dýrafituleyfum. Síðan er venjulegu þotueldsneyti blandað saman við áður en olían er sett á flugvélar. 

Neste er með höfuðstöðvar í Espoo í Finnlandi en er með starfsemi víða um heim. Finnska ríkið er stærsti eigandi Neste, sem skráð er á markaði. Fyrirtækið sérhæfir sig í endurvinnslu úrgangsefna og umbreytingu þeirra í orkugjafa eins og SAF. 

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …