Samfélagsmiðlar

Grænlendingar endurnýja sjálfbærnistefnuna

Ferðamálaráð Grænlands boðar yfir 100 þátttakendur til ráðstefnu um sjálfbæra ferðamálastefnu. Markmiðið er að uppfæra og endurnýja þá stefnu sem mörkuð var í málaflokknum árið 2018. Miklar breytingar hafa orðið síðan - ekki síst vegna áhrifa af heimsfaraldrinum.

Sjálfbærniátakið á Grænlandi hófst árið 2018. Niðurstaða ráðstefnu sem haldin var það ár voru ellefu tillögur um þróun ferðaþjónustunnar og voru þær lagðar til grundvallar stefnu Ferðamálaráðs Grænlands fyrir árin 2021 til 24.

Tillögur undir yfirskriftinni Toward More Tourism frá 2018 – MYND: Visit Greenland

Þau 100 sem koma saman á Hotel Hans Egede í Nuuk í vikunni ætla að reyna að móta sameiginlega sýn ferðaþjónustunnar og allra hagaðila um það hvert skuli halda.

„Það hefur margt gerst frá árinu 2018. Kórónaveirufaraldurinn breytti umtalsvert stöðu innlendrar og alþjóðlegrar ferðaþjónustu. Við þurfum ekki að byrja upp á nýtt heldur fara yfir reynslu síðustu ára og uppfæra markmið okkar. Það hafa líka orðið breytingar á mati á því hvað skipti máli – bæði hvað varðar það hvernig staðið er að uppbyggingu áfangastaða en einnig á afstöðu og kröfum þeirra gesta sem heimsækja okkur. Einu sinni ræddum við hvernig gera ætti hlutina en nú þurfum við að einbeita okkur að því að gera sömu hluti enn betur,“ segir Anne Nivíka Grødem, ferðamálastjóri Grænlands.

Haft er eftir Anette Lings, formanni Ferðamálaráðs Grænlands, á vef þess að þar sem ferðaþjónustan starfi um allt landið sé mikilvægt að efla þverfaglegt samstarf til að tryggja að að þær fjárfestingar sem ráðist hefur verið í með uppbyggingu flugvalla landsins skili sér sem best. Forsenda fyrir þessu sé að það takist að gera ferðaþjónustuna sjálfbæra í félagslegu, efnahagslegu og umhverfislegu tilliti.

„Sameiginlegt átak til að auka vöxt og samvinnu getur skilað af sér þróunarverkefnum sem eiga eftir að nýtast landinu í heild. Á sama tíma viljum þróa og styrkja vörumerkið Grænland, sem tákn fyrir viðurkenndan og eftirsóknarverðan ævintýrastað – þar sem einblínt er á gæði, öryggi og sjálfbærni,“ segir Anette Ling.

Visit Greenland/Filip Gielda
MYND: Visit Greenland / Filip Gielda
Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …