Samfélagsmiðlar

Hafa ennþá ekki tilkynnt um söluna til Icelandair

Fyrstu tvö eintökin af hinni langdrægu A321XLR standa hér við verksmiðjur Airbus í Toulouse í Frakklandi. Icelandair fær sínar fyrstu þotur af þessari gerð árið 2029.

Nú er þrjár vikur liðnar frá því að Icelandair sendi frá sér tilkynningu þar sem sagt var frá undirritun viljayfirlýsingar um kaup á 13 farþegaþotum frá Airbus og kauprétt að 12 til viðbótar.

Evrópski flugvélaframleiðandinn hefur hins vegar ekki greint frá þessum viðskiptum opinberlega á sínum vegum.

Ástæðan er sú að ennþá er eingöngu um viljayfirlýsingu að ræða segir upplýsingafulltrúi Airbus í svari við fyrirspurn Túrista. „Við munum tilkynna og fagna þegar samningur hefur verið undirritaður,“ bætir hann við.

Spurður um stöðu samningsgerðarinnar þá segir Guðni Sigurðsson, talsmaður Icelandair, að ekki sé komin föst dagsetning á undirskrift en undirbúningur taki nokkrar vikur.

Í þessu samhengi má rifja upp að Fjármálaeftirlitið sektaði Icelandair um 10 milljónir króna þegar félagið gerði samning um kaup á Boeing þotum árið 2012. Þá taldi Fjármálaeftirlitið að Icelandair hefði átt að tilkynna um samninginn þremur dögum fyrr en gert var.

Því höfnuðu stjórnendur flugfélagsins og sögðu að tilkynning hafi verið birt í Kauphöllinni nokkrum mínútum eftir að stjórnarfundi lauk þar sem tekin var ákvörðun um að ganga til samninga við Boeing.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …