Samfélagsmiðlar

Hlutdeild Íslands á norræna hótelmarkaðnum breyttist lítillega

Gistinætur útlendinga voru álíka margar hér á land í fyrra og í Finnlandi. Danski markaðurinn hefur náð sér best eftir heimsfaraldur þegar horft er til erlendra gesta.

Herbergi á hóteli Berjaya Mývatn Hotel.

Allt árið í fyrra keyptu útlendingar nærri 3,8 milljónir gistinátta á íslenskum hótelum sem var rétt um 8 prósentum minna en árið 2019. Batinn eftir heimsfaraldur var mestur í Danmörku en þar nam samdrátturinn í fyrra aðeins 5 prósentum en eftur á móti eiga Norðmenn og Finnar lengra í land.

Þannig voru erlendar gistinætur á finnskum hótelum samtals 4,1 milljón í fyrra eða 30 prósent færri en árið 2019. Munar þar töluverðu um að Rússar sækja reglulega granna sína heim en eftir að innrásarstríð Pútíns í Úkraínu hófst þá hefur samgangurinn minnkað verulega.

Í Noregi voru erlendir hótelgestir líka mun færri í fyrra en árið 2019 og fækkaði gistinóttum útlendinga þar um fjórðung eins og sjá má hér fyrir neðan.

Í heildina stóðu útlendingar undir nærri 30 milljónum gistinátta á norrænum hótelum í fyrra og þar af voru þau íslensku með 13 prósent af fjöldanum. Árin 2018 og 2019 var hlutdeild Íslands 12 prósent eins og sjá má hér fyrir neðan.

Danski hótelmarkaðurinn fékk aftur á móti 28 prósent af markaðnum á meðan Svíar, sem eru nærri tvöfalt fjölmennari en Danir, voru með 27 prósent. Skýringin á sókn þessara tveggja þjóða skrifast á fyrrnefnda samdrátt í Noregi og Finnlandi.

Í þessari úttekt Túrista er eingöngu horft til gistinátta útlendinga á hótelum en í hinum löndunum fjórum þá er vægi innlendra gesta mun hærra en þekkist hér á landi.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …