Samfélagsmiðlar

Hvað á ráðherra við?

Lilja Dögg Alfreðsdóttir, viðskiptaráðherra.

„Íslensk­ur flugiðnaður er sjálf­bær meðan verið er að styrkja ýms­ar flug­leiðir um alla Evr­ópu af því að þær standa ekki und­ir sér.“ Þessi orð hafði Mbl eftir Lilju Dögg Alfreðsdóttur, viðskipta- og menningarmálaráðherra, í gær. Óhætt er að segja að þessi fullyrðing um sjálfbæran rekstur íslenskra flugfélaga orki tvímælis, svo vægt sé til orða tekið.

Afkoma Icelandair hefur til að mynda verið neikvæð allt frá árinu 2017 en árin fyrir heimsfaraldur, 2018 og 2019, voru almennt góð í flugrekstri í löndunum í kringum okkur. Meira að segja SAS, sem hefur lengi átt í erfiðleikum, skilaði methagnaði árið 2018.

Icelandair tapaði aftur á móti um 7 milljörðum króna þetta ár og þáverandi forstjóri félagsins sagði starfi sínu lausu.

Tapið 2019 var álíka mikið – sem skrifast helst á kyrrsetningu Boeing Max þotanna, en þetta ár fór samt helsti keppinauturinn, Wow Air, í þrot. Það félag tapaði háum upphæðum árin tvö á undan og var eingöngu réttum megin við núllið árin 2015 og 2016.

Afkoma Play hefur hingað til líka verið miklu lakari en gert var ráð fyrir þegar félagið safnaði um 10 milljörðum króna í hlutafé á fyrri hluta árs 2021. Tapið í fyrra nam 7,5 milljörðum króna eða um 9.500 krónum á hvern farþega.

Innanlandsflug hér á landi hefur líka verið erfitt og í ársbyrjun 2019 gripu stjórnendur Isavia til þess að kyrrsetja flugvél Ernis vegna skuldar flugfélagsins og stuttu síðar viðurkenndi forstjóri Icelandair að afkoman af innanlandsflugi félagsins væri „mjög slæm“.

Svo kom heimsfaraldurinn og þá fór flugrekstur hér á landi sem víðar í skrúfuna og hefur hið opinbera haldið áfram að styðja við rekstur innanlandsflugs, bæði með því að borga með ákveðnum flugleiðum en einnig með niðurgreiðslu á farmiðum íbúa á landsbyggðinni. Það er því ekki heldur rétt hjá Lilju Dögg, viðskiptaráðherra, að það séu bara önnur ríki sem niðurgreiði innanlandsflug.

Af ofantöldu má sjá að það er erfitt að sjá hvað ráðherra á við þegar hún segir íslenskan flugrekstur vera sjálfbæran. Það er sem betur fer útlit fyrir að hagur íslenskra flugfélaga sé að batna hratt enda er eftirspurn eftir ferðalögum mikil og olíuverðið í dag er miklu lægra en það var í fyrra.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …