Samfélagsmiðlar

Miklu færri ferðamenn frá Kanada en útlit fyrir uppsveiflu

Ferðamannastraumurinn hingað frá Bandaríkjunum er litlu minni en fyrir heimsfaraldur. Allt aðra sögu er að segja af nágrönnum þeirra í Kanada. Stjórnendur tveggja af stærstu ferðaþjónustufyrirtækjum landsins segja útlitið gott á kanadíska markaðnum fyrir árið.

Kanadabúar hafa verið furðu fámennir í hópi ferðamanna á landinu síðustu misseri.

Það sem af er ári hafa aðeins fimm þúsund Kanadamenn farið í gegnum í vopnaleitina í Leifsstöð en talningin þar er notuð til að leggja mat á fjölda ferðamanna hér á landi. Fyrstu þrjá mánuðina árið 2019 voru kanadísku ferðamennirnir hins vegar nærri 14 þúsund.

Samdrátturinn í ár nemur því 60 af hundraði en aftur á móti hefur túristum frá Bandaríkjunum aðeins fækkað um 14 prósent.

Bandaríski markaðurinn hefur því tekið miklu betur við sér en sá kanadíski eftir heimsfaraldur. Áður voru Kanadamenn vanalega meðal fjölmennustu þjóða í hópi ferðamanna á Íslandi en það sem af er ári komast þeir hins vegar ekki á topp 10 listann.

Skýringin á þessari þróun liggur að hluta til í ströngum sóttvarnaraðgerðum í Kanada vegna Covid-19. Það var til að mynda ekki fyrr en síðastliðið haust sem kanadísk stjórnvöld felldu úr gildi kröfuna um grímur í flugi.

Framboð á flugi milli Íslands og Kanada hefur líka verið mun takmarkaðra en áður var. Þegar mest lét hélt Icelandair til að mynda úti flugi til fimm kanadískra borga en sumaráætlun félagsins í ár gerir aðeins ráð fyrir ferðum til Toronto og Vancouver.

Play ætlar reyndar að stíga sín fyrstu skref í Kanada með ferðum til fyrrnefndu borgarinnar og svo mun Air Canada taka upp þráðinn í sumarflugi sínu hingað frá bæði Montreal og Toronto.

Gréta María hjá Arctic Adventures – Mynd: ÓJ

Og það eru merki um að Kanadamenn ætli sér að fjölmenna til Íslands á ný samkvæmt upplýsingum frá tveimur af stærstu ferðaþjónustufyrirtækjum landsins. Gréta María Grétarsdóttir, forstjóri Arctic Adventures, segir að bókunarstaðan frá kanadískum ferðamönnum sé sambærileg við 2019 og jafnvel ívið betri.

Það ár komu hingað 70 þúsund kanadískir ferðamenn en þeir voru 103 þúsund árið 2017 þegar Wow Air bauð upp á daglegar ferðir hingað frá Montreal og Toronto allt árið um kring og Icelandair hélt úti flugi til fimm kanadískra borga. Við fall Wow Air í mars 2019 fækkaði ferðafólki frá Kanada verulega og niðursveiflan hefur svo haldið áfram núna eftir heimsfaraldur.

Fyrrnefndur samdráttur í ferðum Kanadamanna til Íslands að undanförnu hefur ekki farið fram hjá Ásberg Jónssyni, forstjóra Travel Connect, en hann segir að nú sé þróunin að snúast við því nú séu komnar tvöfalt fleiri bókanir frá Kanada fyrir komandi ár í samanburði við sama tíma árið 2019. 

Ásberg Jónsson hjá Travel Connect.

Það er því útlit fyrir að Kanadamenn verði á ný fjölmennir á landinu en sem fyrr segir eru flugsamgöngurnar milli Íslands og Kanada að eflast.

Það má þó rifja upp að þegar flugið héðan til Kanada var hvað mest þá voru vísbendingar um að fjöldi kanadískra ferðamanna væri ofmetinn. Um væri að ræða tengifarþega sem ferðuðust yfir Norður-Atlantshafið með tveimur flugfélögum og þurftu því að fara í gegnum vopnaleitina í Leifsstöð við millilendingu. Þar með var fólkið talið sem ferðamenn þó það hafi í raun aldrei farið út úr flugstöðinni.

Gera má ráð fyrir að þessi skekkja fari að aukast á ný núna þegar Kanadamenn fara á ferðina og Evrópubúar gera sér ferð til þessa næststærsta lands í heimi.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …