Samfélagsmiðlar

Miklu fleiri útlendingar flytja til landsins en á árunum fyrir heimsfaraldur

Ferðafólk við Geysi. Stór hluti þeirra útlendinga sem flust hefur til Íslands í ár mun líklega vinna við ferðaþjónustu á næstu misserum.

Ferðaþjónusta er mannaflsfrek atvinnugrein og framundan er sumarvertíð sem verður á pari við árin 2017 til 2019. Á Keflavíkurflugvelli er gert ráð fyrir mikilli umferð og sérstaklega á vegum Icelandair og Play. Til viðbótar stefnir í met í komum skemmtiferðaskipa.

Til að sinna öllu þessu fólki þarf útlendinga til starfa í ferðaþjónustu og miðað við nýjar tölur Hagstofunnar þá fluttu 3800 erlendir ríkisborgarar til landsins á fyrsta fjórðungi ársins. Þar af komu 450 frá Úkraínu, fólk sem flýr innrásarher Rússa. En burtséð frá þeim fólksflutningum þá er ljóst að hingað komu miklu fleiri útlendingar í janúar, febrúar og mars en á árunum fyrir Covid-19.

Árið 2018, þegar fjöldi ferðamanna var mestur, fluttu til að mynda 2.530 útlendingar hingað á fyrsta ársfjórðungi. Núna voru þeir um eitt þúsund fleiri ef aðfluttir Úkraínumenn eru teknir út fyrir sviga.

Brottfluttir útlendingar voru álíka núna og árunum 2018 og 2019 eins og sjá má á grafinu hér fyrir neðan þannig að fjölgun erlendra ríkisborgara var umtalsvert meiri núna.

Og það er viðbúið að aukningin verði hraðari næstu mánuði. Á árunum 2017 til 2019 þá fjölgaði til að mynda aðfluttum útlendingum umtalsvert á öðrum og þriðja ársfjórðungi. Ef takturinn verður sá sami í ár þá gæti stefnt í metár fjölda aðfluttra erlendra ríkisborgara.

Hvernig nýjum íbúum landsins gengur að finna sér húsnæði á eftir að koma í ljós en líkt og Túristi fjallaði um nýverið þá eru vísbendingar um að framboð á gistirými á vegum Airbnb sé álíka mikið og á árum áður. Mikill fjöldi íbúða er því frátekinn fyrir ferðafólk nú þegar.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …