Samfélagsmiðlar

Ný stjórn án fulltrúa hótela og veitingastaða

Stjórn SAF: Ragnhildur Ágústsdóttir, stofnandi og eigandi Lava Show, Björn Ragnarsson, framkvæmdastjóri Icelandia, Bjarnheiður Hallsdóttir, framkvæmdastjóri Kötlu-DMI og formaður, Rannveig Grétarsdóttir, eigandi Eldingar og Akureyri Whale Watching, Helgi Már Björgvinsson, yfirmaður alþjóðasamskipta hjá Icelandair og Nadine Guðrún Yaghi, forstöðumaður samskipta og þjónustu hjá Play. Á myndina vantar Sævar Guðjónsson, framkvæmdastjóra Ferðaþjónustunnar Mjóeyri við Eskifjörð.

Þegar Samtök ferðaþjónustunnar voru stofnuð fyrir tuttugu og fimm árum síðan var byggt á grunni Sambands veitinga- og gistihúsa. Flugfélög og afþreyingarfyrirtæki áttu á þessum tíma ekki í nein hagsmunasamtök að venda.

Fulltrúi Icelandair á stofnfundinum þann 11. nóvember árið 1998, Steinn Logi Björnsson, var kjörinn formaður hina nýju samtaka og síðan þá hefur flugfélagið verið með mann í stjórn.

Á því varð ekki breyting á aðalfundi SAF sem fram fór um síðustu mánaðamót því þá fór Ásdís Ýr Pétursdóttir, forstöðumaður samskipta og samfélagsábyrgðar Icelandair, úr stjórninni en Helgi Már Björgvinsson, yfirmaður alþjóðasamskipta hjá flugfélaginu, náði kjöri.

Nadine Guðrún Yaghi, forstöðumaður samskipta og þjónustu hjá Play, var einnig kosin og er þetta í fyrsta sinn sem tvö flugfélög eiga fulltrúa í stjórn SAF.

Rannveig Grétarsdóttir, eigandi Eldingar og Akureyri Whale Watching, tók einnig sæti í sjö manna stjórn SAF en hinir þrír stjórnarmeðlimirnir sitja áfram til næsta aðalfundar. Það sama gildir um Bjarnheiði Hallsdóttur, formann.

Á sama tíma og flugfélögin hafa fengið tvö sæti við stjórnarborðið hjá SAF þá verða þar engir fulltrúar hótela og veitingastaða því þeir Birgir Guðmundsson, hótelstjóri Hilton Reykjavik Nordica og Jakob Einar Jakobsson, framkvæmdastjóri veitingahússins Jómfrúarinnar gengu úr stjórninni á aðalfundinum þann 30. mars sl.

Spurður um þessar breytingar á samsetningu stjórnar þá segir Skapti Örn Ólafsson, talsmaður SAF, að oftar en ekki hafi fulltrúi frá hótelum setið í stjórninni og „þannig verið með tengingu inn í veitingageirann enda hótelin mörg hver að reka veitingastaði einnig.“ Skapti segir að veitingamenn, með engan annan rekstur, hafi hins vegar ekki átt sæti í stjórn SAF fyrr en Jakob frá Jómfrúnni var kosinn á sínum tíma.

Þess má geta að Wow Air var aldrei með í Samtökum ferðaþjónustunnar en aftur á móti voru Atlanta og Íslandsflug meðal stofnfélaga samtakanna og nokkur minni flugfélög eru með aðild í dag.

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …