Samfélagsmiðlar

Staða stærsta hluthafans í lausu lofti

Farþegar SAS á Kaupmannahafnarflugvelli en þar er flugfélagið umsvifamest.

Það var síðastliðið sumar sem SAS fékk gjaldþrotavernd fyrir dómstól í New York í Bandaríkjanum. Stjórnendur flugfélagsins hafa nýtt þetta svokallaða Chapter-11 ferli til að endursemja við kröfuhafa og flugvélaleigur. Í vikunni var svo komið að því að fá samþykkti dómara í New York fyrir áformum um hlutfjárútboð upp á 9,5 milljarða sænskra króna. Sú upphæð jafngildir 126 milljörðum íslenskra króna í dag.

Útboðið er forsendan fyrir því að SAS eigi sér framtíð þegar bandaríska gjaldþrotaverndin er ekki lengur til staðar um mitt þetta ár.

Danska og sænska ríkið eru stærstu hluthafarnir í SAS í dag með sitthvor 21,8 prósentin. Ráðamenn í Svíþjóð hafa hins vegar gefið út að sænska ríkið ætli ekki að leggja félaginu til meira hlutafé. Danir vilja aftur á móti halda áfram um stjórnartaumana í félaginu og eru reiðubúnir til að eignast allt að 30 prósent hlut.

Þessi vilji Dana var kynntur fyrir bandaríska dómaranum í vikunni en sá sagðist ekki geta samþykkt að einn hluthafi, sem ennþá ekki skuldbundið sig til að kaupa svona stóran hlut, yrði „læstur inni“ eins og dómarann sagði og Dagens Nærlingsliv hefur eftir.

„Þetta er mjög óvanalegt og hreint út sagt á ég á erfitt eð að samþykkja þetta,“ bætti dómarinn við.

Lögfræðingur SAS sagði þá að án aðkomu danska ríkissjóðsins þá sæi SAS enga lausn á stöðunni en dómarinn tók þau orð ekki til greina heldur bað um nýja tillögu um forsendur boðaðs hlutafjárútboðs.

Ekki liggur hvenær það verður gert en fyrir páska óskaði stjórn SAS eftir því að fjárfestar sem hefðu áhuga á að eignast umtalsverðan hlut í SAS myndu gefa sig fram.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …