Samfélagsmiðlar

Tapið meira en sem nemur allri fjárfestingunni

Lausafjárstaða Play um síðustu mánaðamót nam innan við helmingi af fyrirfram innheimtum farmiðum.

Vorið 2021 efndi Play til lokaðs hlutafjárútboðs þar sem söfnuðust 6 milljarðar króna. Stuttu síðar bauðst almenningi að fjárfesta í félaginu og þá bættist við hlutafé upp á 4,3 milljarða. Eftirspurn í seinna útboðinu var reyndar áttföld. Stemningin fyrir nýju íslensku flugfélag var mikil.

Rekstur Play hefur hins vegar gengið verr en lagt var upp með og skrifast það meðal annars á Covid og þær miklu hækkanir sem urðu á olíu þegar Rússar réðust inn í Úkraínu. Hærra eldsneytisverð var einmitt helsta ástæða þess að Play fékk 2,3 milljarða til viðbótar frá stærstu hluthöfum sínum í nóvember í fyrra. Þar með hafði Play fengið 12,6 milljarða króna frá fjárfestum.

Tapreksturinn félagsins árin 2021 og 2022 og svo fyrstu þrjá mánuðina í ár nemur hærri upphæð eða um 14 milljörðum króna. Skattaleg inneign félagsins vegna þessa taps var 2,7 milljarða virði um síðustu mánaðarmót.

Skuld við farþega ríflega tvöfalt hærri en lausafjárstaðan

Lausafjárstaða Play hefur lækkað í takt við afkomuna en hún hækkaði reyndar lítillega fyrstu þrjá mánuði þessa árs þó félagið hafi verið rekið með 3 milljarða króna tapi. Skýringin á hækkunin er helst sú að núna streyma inn bókanir á flugferðum fyrir sumarið og þar með fjölgar krónunum í kassanum. Skuld Play við farþega hækkar sem þessu nemur.

Í lok mars nam skuldbindingin gagnvart farþegunum 9,1 milljarði króna en þá átti félagið 4,2 milljarða í tiltækt lausafé. Auk þess er Play með bundið fé upp á 900 milljónir.

Til samanburðar höfðu farþegar Icelandair greitt 67,7 milljarða kr. til félagsins um síðustu mánaðamót en flugfélagið er með 55,6 milljarða í lausafé og seljanlegum skuldabréfum. Til viðbótar er Icelandair með vilyrði fyrir lánum upp á 7,1 milljarð kr. Bilið á milli lausafjárstöðu og farþegaskuldar er því miklu minna þar á bæ.

Hjá hinu finnska Finnair lítur þetta allt öðruvísi út því þar er lausfé töluvert meira en sem nemur farþegaskuldinni. Önnur norræn flugfélög hafa ekki birt uppgjör fyrir fyrsta ársfjórðung.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …