Samfélagsmiðlar

Þotueldsneyti hækkar

Verð á Norðursjávarolíu hækkaði um sex prósent í gær eftir að tilkynnt var að Sádi-Arabía, Írak, Kúveit, Kasakstan, Alsír og Óman ætla að draga úr framleiðslu á olíu út árið. Það eru Sádar sem standa fyrir um helmingi samdráttarins og nemur hann um 5 prósent af heildarframleiðslu konungsríkisins samkvæmt frétt DN.

Þessi niðurskurður bætist við áform Rússa um að minnka umsvifin í framleiðslunni hjá sér.

Áhrif þessa á verð á þotueldsneyti eru byrjuð að koma fram. Undir lok gærdags kostaði tonn af þotueldsenyti 847 dollara sem er hækkun um nærri sjö af hundraði frá því um miðjan síðasta mánuð en þá fór verðið niður fyrir 800 dollara í fyrsta sinn síðan í árslok 2021.

Allt árið í fyrra var olían óvenju dýr og þá greiddu Icelandair og Play samanlagt um 60 milljarða króna fyrir eldsneyti á þotur sínar. Hinn hái olíureikningur var ein ástæða þess að Play fékk 2,3 milljarða króna frá stærstu hluthöfum sínum til að styrkja fjárhagsstöðu sína.

Hvort stjórnendur íslensku flugfélaganna hafi nýtt verðlækkunina í mars til að gera framvirka samninga um kaup á eldsneyti kemur væntanlega í ljós þegar uppgjör fyrir fyrsta ársfjórðung verða birt í næsta mánuði.

Undir lok síðasta árs hafði Play fest verð á mun stærri hluta af sinni olíunotkun en keppinauturinn eins og sjá má hér fyrir neðan. Kjörin sem um ræðir eru þó nokkru yfir núverandi heimsmarkaðsverði.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …