Samfélagsmiðlar

Þrettán nýir áfangastaðir

Play áætlar að fljúga til 36 áfangastaða í sumar. Aþena, Porto og Varsjá eru meðal nýrra áfangastaða.

Play

Flugvél Play kemur til lendingar í Portúgal

Fyrsta flug Play til Porto er fimmtudaginn 6. apríl. Samkvæmt tilkynningu frá félaginu hefur sala á ferðum til þessa höfuðstaðar Norður-Portúgals gengið vel. Túristi heimsótti Porto síðasta sumar og fjallaði um heimsóknina þangað og í Douro-dalinn.

Porto
Frá Porto – MYND: ÓJ

Play segir að sala á miðum í ferðir til Aþenu gangi vel, en borgin forna er meðal nýrra áfangastaða flugfélagsins í sumar. Vélar Play til Aþenu verða setnar Íslendingum á leið í grískt sumar og Grikkja sem nýta sér þetta flug til að ferðast gegnum Keflavíkurflugvöll til Bandaríkjanna. 

Í síðustu viku fór Play fyrstu ferðina til Stokkhólms og í gær var fyrsta ferðin til Varsjár. Þá eru á áætlun fyrsta flugferðin til Dulles Washington-flugvallar í lok apríl og fyrstu ferðirnar til Hamborgar og Glasgow í maí. Flug til Aþenu, Amsterdam, Düsseldorf, Álaborgar og Billund á Jótlandi, Toronto og Feneyja hefst í júní. Hætt var við að fljúga til Árósa. 

Í sumar verða 10 flugvélar í flota Play og starfsmenn verða rúmlega 500, þar af eru áhafnarmeðlimir um 400.

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …