Samfélagsmiðlar

Þurfa ekki nærri 50 milljarða króna lán

Þota SAS við Gardermoen í Ósló

Þegar flugmenn SAS fóru í verkfall síðastliðið sumar þá sendu stjórnendur flugfélagsins beiðni til dómstóla í New York þar sem óskað var eftir gjaldþrotavernd eða því sem kallað er Chapter-11 ferli vestanhafs. Um er að ræða einskonar skjól fyrir fyrirtæki til að ráðast í fjárhagslega endurskipulagningu án þess kröfuhafar geti farið fram á gjaldþrot. 

Til að koma sér í gegnum þetta ferli þá þurfti SAS á sérstakri lánveitingu að halda og fékk vilyrði frá bandaríska sjóðnum Apollo Global Management fyrir 700 milljón dollara láni. Sú upphæð jafngildir 96 milljörðum íslenskra króna í dag.

Helming lánsins fékk SAS í fyrra en nú í morgun var tilkynnt að félagið þyrfti ekki á hinum helmingnum að halda. Lausafjárstaðan væri nægjanlega sterk til að reka félagið fram að boðuðu hlutafjárútboði í sumar.

Þar stendur til að safna um 125 milljörðum íslenskra króna (9,5 milljörðum sænskra) frá fjárfestum og áður hafði verið gefið út að um helmingur upphæðarinnar yrðu nýttu til að greiða inn á lánið frá Apollo Global Managment en það ber um 11 prósent vexti.

Bandaríski sjóðurinn fékk líka veð í lendingarleyfum SAS og forgang á kaupum á nýju hlutafé í flugfélaginu. Búist er við að sjóðurinn nýti sér þann rétt og verði einn stærsti hluthafinn í SAS að loknu hlutafjárútboði sumarsins eins og Túristi fjallaði nýverið um.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …