Samfélagsmiðlar

Vöntun á flugumferðarstjórum gæti sett ferðaáætlanir sumarsins úr skorðum

Starfandi flugumferðarstjórar á Kaupmannahafnarflugvelli neita að taka fleiri aukavaktir eftir miklar annir að undanförnu. Hvern dag í apríl hefur vantað að meðaltali sex flugumferðarstjóra til að fullmanna allar vaktir. Þetta ástand hefur valdið töfum og horfurnar fyrir sumarið eru ekki góðar nema að samningar takist.

Á flugvellinum í Kaupmannahöfn

Félag dönsku flugumferðarstjóranna, DATCA, og Naviair, ríkisfyrirtækið sem sinnir flugleiðsögn í Danmörku, hafa deilt um vaktamál frá því að flugumferð hófst að nýju að loknum heimsfaraldri.

Marsmánuður var sá annasamasti í þrjú ár. Tvær milljónir farþega fóru um flugvöllinn. Horfur eru á að mikil umferð verði um völlinn í Kastrup næstu mánuði og fyrirsjáanlegt er að áætlanir geti raskast vegna þess að það vantar fleiri flugumferðarstjóra. Þeir sem starfa neita að nú að bæta á sig vöktum, sem krafist hefur verið að þeir taki á grundvelli gildandi samninga. Án þessarar aukavinnu er ekki hægt að fullmanna allar vaktirnar. Danska útvarpið segir að þetta ástand geti haft áhrif á ferðaáætlanir Dana í sumar. 

Farþegar á Kaupmannahafnarflugvelli – MYND: ÓJ

Þegar hefur þessi vinnudeila í flugturninum í Kaupmannahöfn leitt til þess að seinkanir hafa orðið á fjölda flugferða. Verst var ástandið um páskana. Mörg þúsund farþegar þurftu þá að þola seinkanir á ferðum og flugfélögin sátu uppi með aukinn kostnað. Ef ekki nást samningar gæti ástandið versnað til muna þegar líður á sumarið. 

Síðustu farþegarnir ganga í átt að flugstöðinni í Kaupmannahöfn – MYND: ÓJ

Þennan mönnunarvanda á Kaupmannahafnarflugvelli má rekja til heimsfaraldursins þegar flugumferð nánast stöðvaðist. Þá rak Naviair 46 af 300 flugumferðarstjórum í Danmörku. Þann mannskap vantar nú til starfa. Of hægt hefur gengið að ráða fólk til baka og því hafa þessi vandræði skapast í flugleiðsögninni. Nú eru 280 starfandi flugumferðarstjórar í DATCA en félagið áætlar að þeir þyrftu að vera 350 til að vaktakerfið gangi upp og koma megi í veg fyrir seinkanir.

Talsmaður Naviair segir að ástandið batni að tveimur árum liðnum þegar útskrifaðir verða nógu margir nýir flugumferðarstjórar. Þangað til verði að bjarga málunum með aukavöktum. Verið er að kanna hvort hægt sé að kalla til starfa flugumferðarstjóra sem komnir voru á eftirlaun.  

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …