Samfélagsmiðlar

Aukinn hagvöxtur vegna kröftugrar ferðaþjónustu

Ferðafólk við Bæjarins bestu nú í byrjun viku.

Ný þjóðhagsspá Seðlabankans gerir ráð fyrir 4,8 prósenta hagvexti á árinu en fyrri spá bankans, frá því í febrúar, hljóðaði upp á 2,6 prósenta vöxt. Hækkunin skrifast á aukningu innlendrar eftirspurnar og horfurnar í ferðaþjónustunni enda útlit fyrir kröftug umsvif í greininni eins og segir í nýrri útgáfu Peningamála sem kom út í morgun.

Þessi krafur í ferðaþjónustunni gæti þó, að mati bankans, sett meiri þrýsting á húsnæðisverð vegna fjölgunar innflytjenda og aukinnar skammtímaleiga húsnæðis til erlendra ferðamanna.

Í Peningamálum segir jafnframt að efnahagsumsvif í helstu viðskiptalöndum hafi gefið eftir og alþjóðlegar hagvaxtarhorfur séu heilt yfir lakar. Áhrifa þessa gætir þó varla þegar horft er til ferðalaga hingað til lands.

„Miðað við áform innlendra flugfélaga virðist ekkert lát á eftirspurn eftir ferðalögum til landsins og er útlit fyrir að framboðið verði meira á seinni hluta ársins en áður var talið. Auk þess virðist leitum að gistingu og flugi til Íslands á leitarvél Google hafa fjölgað það sem af er ári,“ segir í Peningamálum og hefur Seðlabankinn hækkað fyrri spá sína um fjölda túrista í ár um 100 þúsund manns eða upp í tæplega 2,2 milljónir.

Þetta mat er þó háð töluverðri óvissu að því segir í Peningamálum og bent er á að ferðamönnum gæti fjölgað hraðar ef hlutfall skiptifarþega helst lágt. En eins og Túristi hefur áður fjallað um þá hefur vægi þess farþegahóps verið óvenjulegt hjá Icelandair í ár.

„Á hinn bóginn gæti ferðamönnum einnig fjölgað hægar en gert er ráð fyrir ef áhrif hækkandi framfærslukostnaðar í viðskiptalöndunum verða meiri, eftirspurn minnkar og áætlanir flugfélaga breytast,“ er útskýrt í Peningamálum.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …