Samfélagsmiðlar

Einn helsti keppinautur íslensku félaganna rekinn með bullandi tapi

Á fjölda flugleiða yfir Norður-Atlantshafið keppir norski nýliðinn Norse við Icelandair og Play.

Í sumar verður Norse Atlantic það flugfélag á Gatwick flugvelli í London sem flýgur oftast til Bandaríkjanna.

Í heimsfaraldrinum voru þrjú norræn flugfélög stofnuð og skráð á hlutabréfamarkað, Play og Norse og Flyr. Það síðastnefnda varð gjaldþrota í ársbyrjun og nú í morgun birtu stjórnendur Norse loks uppgjör fyrir fyrsta ársfjórðung, tveimur mánuðum eftir að honum lauk.

Niðurstaðan er tap upp á 71 milljón bandaríkjadollara eða 10 milljarða íslenskra króna ef miðað er við meðalgengið fyrstu þrjá mánuði ársins. Til samanburðar nam tapið hjá Icelandair rúmlega 9 milljörðum króna á þessu tímabili og Play tapaði 3 milljörðum.

Íslensku flugfélögin fluttu hins vegar miklu fleiri farþega því þotur Norse flugu hálftómar milli Evrópu og Norður-Ameríku í vetur. Í heildina nýttu 110 þúsund farþegar sér áætlunarferðir félagsins á fyrsta ársfjórðungi en farþegahópurinn hjá Play var tvöfalt fjölmennari og Icelandair flutti sex sinnum fleiri en Norse.

Norse nýtir 15 Boeing Dreamliner þotur í ferðir sínar en flestar voru þær áður í notkun hjá Norwegian. Mynd: Norse

Samkeppni við íslensku félögin

Rekstur Norse byggir að mestu á rústum útgerðar Norwegian í Norður-Ameríku því þegar nýir hluthafar þess síðarnefnda ákváðu einbeita sér að flugi innan Evrópu var Norse stofnað og tók það yfir Boeing breiðþotur Norwegian. Meðal stærstu hluthafa Norse er svo Bjørn Kjos, stofnandi Norwegian og forstjóri til langs tíma.

Norse heldur úti Ameríkuflugi frá Ósló, London, Berlín, Róm og París og meðal áfangastaða eru New York, Boston og Washington. Félagið veitir því bæði Icelandair og Play samkeppni á fjölda flugleiða.

Gott sumar framundan

Þrátt fyrir þunga byrjun á árinu þá eru stjórnendur Norse bjartsýnir fyrir komandi sumarvertíð og segja í tilkynningu að sætanýtingin hafi batnað í vor og bókunarstaðan lofi góðu. Þetta er í takt við yfirlýsingar annarra forstjóra í fluggeiranum eins og Túristi rakti í byrjun vikunnar. Þar var líka vísað til þess að gengi hlutabréfa í íslensku félögunum, sérstaklega Play, hefði þróast með öðrum hætti en hjá stærstu flugfélögum Evrópu. Bréf Icelandair og Play rétt aðeins úr kútnum í gær.

Hjá Norse hafa bréfin fallið um 60 prósent síðustu 12 mánuði sem má meðal annars rekja til hlutafjárútboðs sl. haust. Í ár hafa hlutabréfin aftur á móti hækkað um 83 prósent.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …