Samfélagsmiðlar

Ferðaþjónustan reiðir sig mun meira á innflytjendur en áður

Vægi starfsfólks með íslenskan bakgrunn hefur lækkað í flestum atvinnugreinum síðustu ár. Þetta á líka við um ferðaþjónustuna þar sem fjórði hver innflytjandi með vinnu er við störf.

Starfsfólk Svörtu fjörunnar í Reynisfjöru

Þó stjórnendur erlendra flugfélaga sjái ekki tækifæri í að fjölga ferðum hingað til lands þá ætla Icelandair og Play að auka umsvifin töluvert nú í sumar og útgerðir skemmtiferðaskipa hafa aldrei áður sýnt Íslandi jafn mikinn áhuga.

Það stefnir því í að fjöldi ferðamanna hér á landi í sumar verði álíka og á háönn áranna 2107 til 2019, þegar hingað komu á bilinu 700 til 800 þúsund ferðamenn.

Fjöldi starfandi fólks í ferðaþjónustu er svipaður. Í lok marsmánaðar síðastliðins störfuðu 29 þúsund mannsí atvinnugreininni, samkvæmt nýjum tölum Hagstofunnar. Þetta er jafn stór hópur og á sama tíma árin 2017 og 2019. Í lok mars árið 2018 fór fjöldinn upp í 30 þúsund.

Ferðamenn bíða afgreiðslu í sjoppu á Kirkjubæjarklaustri – MYND: ÓJ

Á þessum árum var vægi innflytjenda aftur á móti mun lægra en nú er.

Í mars 2017 voru þrír af hverjum fjórum starfsmönnum með íslenskan bakgrunn samkvæmt flokkun Hagstofunnar en núna er hlutfall innflytjenda komið upp í 42 prósent eins og sjá má hér að neðan:

Rúmlega 12 þúsund innflytjendur voru við störf í ferðaþjónustu í lok mars í ár en á sama tíma árið 2017 voru þeir tæplega átta þúsund. Þeim hefur því fjölgað um helming á þessum 6 ára tímabili. Túristunum hefur aftur á móti fækkað, í mars síðastliðnum voru þeir 144 þúsund en 153 þúsund á sama tíma árið 2017.

Búast má við að starfandi fólki í ferðaþjónustu fjölgi næstu mánuði þegar ferðamannastraumurinn verður mestur. Þannig hefur þróunin verið síðustu ár og þar með gæti vægi innflytjenda aukist enn frekar.

Ferðamenn borga reikninginn á Fosshóteli Austfjörðum á Fáskrúðsfirði – MYND: ÓJ

Hlutfallið er nú þegar orðið mjög hátt á ýmsum sviðum atvinnugreinarinnar, þannig var innan við þriðjungur starfsmanna í gistigeiranum með íslenskan bakgrunn í mars síðastliðnum en á sama tíma árið 2017 var skiptingin jöfn milli innflytjenda og starfsfólks með íslenskan bakgrunn.

Það eru fleiri atvinnugreinar en ferðaþjónusta sem reiða sig í meira mæli á innflutt vinnuafl en áður. Í öðrum atvinnugreinum hefur hlutfall starfsfólks með íslenskan bakgrunn farið úr 87 prósentum í 81 prósent. Í ferðaþjónustunni er vægi Íslendinga hins vegar 58 prósent.

Nýtt efni

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …