Samfélagsmiðlar

Íslensku flugfélögin oftast með yfirburðastöðu

Þrátt fyrir að um 20 erlend flugfélög ætli að halda úti Íslandsflugi í sumar þá eru þau sjaldan í beinni samkeppni við Icelandair og Play. Í þeim tilfellum sem það geriast þá er framboð íslensku flugfélaganna langoftast mun meira.

Það stefnir í að Icelandair og Play muni standa undir nærri 8 af hverjum 10 brottförum frá Keflavíkurflugvelli í sumar. Erlendu flugfélögin halda nefnilega Íslandsfluginu í föstum skorðum og bæta engu við frá síðasta sumri.

Á þeim flugleiðum sem Icelandair og Play þurfa að keppa við útlend flugfélög þá er framboð þeirra íslensku oftast miklu meira. Heimafélögin tvö eru hins vegar oft í innbyrðis samkeppni og hún er harðari en þegar Wow Air var álíka stórt og Play er í dag.

Þetta sýnir samantekt Túrista á flugframboði sumarsins.

Í heildina verður flogið til um sextíu áfangastaða í sumar og þeim 22 flugleiðum sem vegir íslenskra og erlendra flugfélaga skarast á Keflavíkurflugvelli þá er síðarnefndi hópurinn aðeins með meira framboð á þremur.

Farþegar á leið til Varsjár, Dusseldorf og Mílanó hafa úr fleiri ferðum að velja með erlendum flugfélögum. Í tveimur tilfellum er staðan jöfn en á 17 flugleiðum eru Icelandair og Play með bróðurpartinn af ferðunum.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …